جانقوش تۇراروۆتىڭ كەزەكتى قارسىلاسى انىقتالدى

ۇزاق ۋاقىت ۇزىلىستەن كەيىن شارشى الاڭعا ورالاتىن قازاقستاندىق بوكسشى جانقوش تۇراروۆتىڭ (28-0, 20 كو) كەلەسى قارسىلاسى بەلگىلى بولدى, دەپ حابارلايدى Qandastar.kz

ول 5 قىركۇيەكتە الماتىدا وتەتىن كاسىبي بوكس كەشىندە جۇدىرىقتاسپاق. قارسىلاسى – فيليپپيندىك الي كانەگا (12-2-1, 8 كو). جەكپە-جەك ءبىرىنشى جارتىلاي ورتا سالماقتا وتەدى جانە ون راۋندقا جوسپارلانعان.

جانقوش تۇراروۆ سوڭعى رەت 2023 جىلدىڭ جەلتوقسانىندا الماتىدا جەكپە-جەك وتكىزگەن. ول جاپوندىق بوكسشى اكيحيرو كوندوعا (37-13-3, 21 كو) قارسى جۇدىرىقتاسىپ, تورەشىلەردىڭ ءبىراۋىزدان قابىلداعان شەشىمىمەن جەڭىسكە جەتىپ, IBO نۇسقاسى بويىنشا الەم چەمپيونى اتاندى.

الي كانەگا سوڭعى جەكپە-جەگىن بيىل ماۋسىم ايىندا وتكىزىپ, ءبىرىنشى راۋندتا جەرلەسى دجون لوۋورەنس وردونيونى (9-9-1, 5 كو) نوكاۋتقا ءتۇسىردى. سونداي-اق, ول بيىل قازاقستاندىق رۋسلان ماديەۆپەن (17-2-1, 6 كو) كەزدەسىپ, تورەشىلەردىڭ شەشىمىمەن جەڭىلگەن بولاتىن.

ايتا كەتەيىك, الي كانەگا – ءبىرىنشى جارتىلاي ورتا سالماقتاعى فيليپپين بوكس فەدەراتسياسىنىڭ چەمپيونى.