Janqosh Turarovtyń kezekti qarsylasy anyqtaldy

Uzaq ýaqyt úzilisten keıin sharshy alańǵa oralatyn qazaqstandyq boksshy Janqosh Turarovtyń (28-0, 20 KO) kelesi qarsylasy belgili boldy, dep habarlaıdy Qandastar.kz

Ol 5 qyrkúıekte Almatyda ótetin kásibı boks keshinde judyryqtaspaq. Qarsylasy – fılıppındik Alı Kanega (12-2-1, 8 KO). Jekpe-jek birinshi jartylaı orta salmaqta ótedi jáne on raýndqa josparlanǵan.

Janqosh Turarov sońǵy ret 2023 jyldyń jeltoqsanynda Almatyda jekpe-jek ótkizgen. Ol japondyq boksshy Akıhıro Kondoǵa (37-13-3, 21 KO) qarsy judyryqtasyp, tóreshilerdiń biraýyzdan qabyldaǵan sheshimimen jeńiske jetip, IBO nusqasy boıynsha álem chempıony atandy.

Alı Kanega sońǵy jekpe-jegin bıyl maýsym aıynda ótkizip, birinshi raýndta jerlesi Djon Loýorens Ordonıony (9-9-1, 5 KO) nokaýtqa túsirdi. Sondaı-aq, ol bıyl qazaqstandyq Rýslan Mádıevpen (17-2-1, 6 KO) kezdesip, tóreshilerdiń sheshimimen jeńilgen bolatyn.

Aıta keteıik, Alı Kanega – birinshi jartylaı orta salmaqtaǵy Fılıppın boks federaııasynyń chempıony.