Janqoshtyń advokaty: Ánarýdyń aýytqýshylyǵy bolýy múmkin nemese haıp jasap otyr

Foto: ashyq derekkóz

Jańqosh Turarov ózin zorlady dep aıyptaǵan qyzben tanysqany ras bolyp shyqty, – dep habarlaıdy qandastar.kz

Tek áleýmettik jelide. Muny boksshynyń advokaty Samat Mamytov Almatyda jýrnalısterge arnalǵan baspasóz máslıhatynda aıtty. Al ózge aıyptardy joqqa shyǵaryp otyr. Advokattyń sózinshe, qyzdyń deni saý emes ne bireýdiń tapsyrysy bolýy múmkin.

«Biz birneshe nusqany qarastyryp jatyrmyz – olardyń biri aýrý nemese psıhıkalyq aýytqýshylyq, ekinshisi – tanymal bolý úshin haıp nemese bul bireýdiń buıryǵy», – dedi advokat.

Jýrnalıstermen kezdesýge boksshynyń ózi kelmedi. Qorǵaýshynyń sózinshe ol jekpe-jekke daıyndalyp jatyr.

Buǵan deıin aryzdanýshy Ánarý Qurmanalıeva jýrnalısterge suhbat berip, Jańqosh Turarovtyń ony zorlap, odan keıin 6 jyl boıy qyr-sońynan qalmaı qoıǵanyn aıtqan edi.