جاڭالىقتار
جانناتقا كىرگەن مۇسىلمانعا 2 حور قىزى بەرىلەدى – مۇحامەدجان تازابەك (ۆيدەو)
ايتىسكەر اقىن, قوعام قايراتكەرى مۇحامەدجان تازابەك جانناتتاعى حور قىزدارى تۋرالى ايتتى. بۇل تۋرالى ول «ۋاقىت كورسەتەدى» Youtube ارناسىنا بەرگەن سۇحباتىندا ايتتى, دەپ حابارلايدى qandastar.kz اقپارات پورتالى.
«يسلامنىڭ نەگىزگى كىتاپتارىندا, نەگىزگى بىلىمدەرىندە ايتىلعاننان كەيىن يماننىڭ التى شارتى بار. سونىڭ ءبىرى ونىڭ كىتاپتارىنا سەنۋ. ەگەر كىتاپتارىنا سەنسەك, سول ىشىندە بار دەپ تۇر. ادامدا قانداي كوركەم سيپاتتار بار سونىڭ بارلىعى حور قىزدارى سونداي بولاتىنى جازىلعان. حاديستەرگە كەلسە, ەڭ تومەنگى دارەجەدە, جانناتقا كىرگەن مۇسىلمانعا 2 حور قىزى بەرىلەدى دەيدى. سولاي جازىلعان», — دەدى مۇحامەدجان تازابەك.
جۋرناليست ودان جانناتقا كىرگەن ايەل ادامعا نە كىرەتىنىن سۇراپ, ونىڭ دا جاۋابىن الدى.
«اللانىڭ راحىمى سونداي ايەل ادام دا ريزا بولاتىن, ايەل ادامنىڭ تولىق راحاتىن قاناعاتتاندىراتىن نارسەنى اللانىڭ ءوزى رەتتەپ بەرەدى. كۇيەۋى قايتىس بولعان جەسىر ايەل مۇمكىن جانناتقا كىرەتىن شىعار. نەمەسە بىرنەشە ايەلى بار جىگىتتىڭ ايەلى كىرەتىن شىعار. ونىڭ ماسەلەسىن اللانىڭ ءوزى شەشىپ بەرەدى. نەگىزگى, ەڭ ۇلى ادىلدىك ول — اللانىڭ الدىندا بولعان كەزدە بولادى», — دەدى ول.
