جاڭالىقتار
جانسايا ابدىمالىك قازاقستان شاحمات فەدەراتسياسىنا رەنىشىن ءبىلدىردى
فوتو: جەكە قورىنان
24 جاستاعى گروسسمەيستەر جانسايا ابدىمالىك شاحمات فەدەراتسياسىنىڭ وكىلى شىمكەنتتەگى گران-پري تۋرنيرىندە شىندىققا جاناسپايتىن اقپارات ايتقانىن مالىمدەدى, دەپ جازادى qandastar.kz turkystan.kz-كە سىلتەمە جاساپ.
جانسايا ابدىمالىكتىڭ ايتۋىنشا, قازاقستان شاحمات فەدەراتسياسىنىڭ اتقارۋشى ديرەكتورى گۇلميرا داۋلەتوۆا ونىڭ وسىنداي دەڭگەيدەگى ءتۋرنيردى جەڭگەن العاشقى قازاقستاندىق شاحماتشى ەكەنىن ەسكەرمەگەن.
بۇگىن ءتۋرنيردىڭ اشىلۋ راسىمىندەگى ۆيدەونى كوزىم شالىپ قالدى. وندا جۇرگىزۋشى قازاقستان شاحمات فەدەراتسياسىنىڭ اتقارۋشى ديرەكتورى گۇلميرا داۋلەتوۆاعا قازاقستاندىق سپورتشىلاردىڭ ايەلدەر گران-پري كەزەڭىن جەڭىپ العان-الماعانىن تۋرالى سۇراپ جاتىر ەكەن.
بۇل سۇراققا گۇلميرا: «ازىرگە بىزدە مۇنداي جەتىستىك بولعان جوق» دەپ جاۋاپ بەرىپتى. ەستەرىڭىزگە قايتادان سالا كەتەيىن!» – دەپ جانسايا ابدىمالىك Instagram جەلىسىندەگى رەسمي پاراقشاسىنا جازىپ, 2021 جىلى گيبرالتاردا وتكەن گران-پري تۋرنيرىندە ماراپاتتالعان ۆيدەوسىن جاريالادى.
