Jansaıa Ábdimálik Qazaqstan shahmat federaııasyna renishin bildirdi

Foto: jeke qorynan

24 jastaǵy grossmeıster Jansaıa Ábdimálik Shahmat federaııasynyń ókili Shymkenttegi Gran-prı týrnırinde shyndyqqa janaspaıtyn aqparat aıtqanyn málimdedi, dep jazady qandastar.kz turkystan.kz-ke silteme jasap.

Jansaıa Ábdimáliktiń aıtýynsha, Qazaqstan shahmat federaııasynyń atqarýshy dırektory Gúlmıra Dáýletova onyń osyndaı deńgeıdegi týrnırdi jeńgen alǵashqy qazaqstandyq shahmatshy ekenin eskermegen.

Búgin týrnırdiń ashylý rásimindegi vıdeony kózim shalyp qaldy. Onda júrgizýshi Qazaqstan shahmat federaııasynyń atqarýshy dırektory Gúlmıra Dáýletovaǵa qazaqstandyq sportshylardyń áıelder Gran-prı kezeńin jeńip alǵan-almaǵanyn týraly surap jatyr eken.

Bul suraqqa Gúlmıra: «Ázirge bizde mundaı jetistik bolǵan joq» dep jaýap beripti. Esterińizge qaıtadan sala keteıin!» – dep Jansaıa Ábdimálik Instagram jelisindegi resmı paraqshasyna jazyp, 2021 jyly Gıbraltarda ótken Gran-prı týrnırinde marapattalǵan vıdeosyn jarııalady.