Jańalyqtar
«Jap-jas qyzdy tórtinshi áıeli qylǵan»: Atyshýly ımamnyń jeke ómirine qatysty aqpar shyqty
Foto: ashyq derekkóz
Belgisiz TikTok qoldanýshysy óz paraqshasyna Jarqyn Myrzataımen túsken jas qyzdyń sýretin jarııalap, ekeýiniń úılengeni týraly jazǵan bolatyn.
Tık-Tok áleýmettik jelisinde ımam Jarqyn Myrzataı 4-áıel aldy degen aqparat tarady, dep habarlaıdy qandastar.kz aqparattyq portaly Orda.kz-ke silteme jasap.
Belgisiz TikTok qoldanýshysy óz paraqshasyna Jarqyn Myrzataımen túsken jas qyzdyń sýretin jarııalap, ekeýiniń úılengeni týraly jazǵan bolatyn.
«Belgili ımam Jarqyn Myrzataev jap-jas áıel alypty. Mine, esimi Nurǵanym eken. 2005 jylǵy qutty bolsyn. Endi mynaý tórtinshisi. 3 áıelinen 17 bala bar», — dep jazdy ol.
Skrın: orda.kz
Bul aqparatqa faktchek jasaý maqsatynda Orda.kz Jarqyn Myrzataıdyń ózine habarlasty. Imamnyń aıtýynsha, bul aqparat jalǵan.
«Bul táńirshilderdiń istep otyrǵandary. Men týraly olar 2 kún saıyn jazyp otyrady. Buǵan deıin «óldi», «aýrhanaǵa tústi», «sottaldy» degen aqparattar taraǵan bolatyn», – dedi Jarqyn Myrzataı.
Sondaı-aq ımam qasynda turǵan qyzdyń kim ekenine de túsinikteme berdi.
«Sýrettegi ózimizdiń fırmamyzda birge qyzmet atqaratyn Nurǵanym esimdi qaryndasymyz. Ol aqparat jalǵan. Ondaı beınelerden taǵy bireýi de kelip tur. «Jarqyn Myrzataı búkil qazaqtyń sózi arab tilinen aýdarylǵan» degen, sosyn «Jarqyn Myrzataıdyń aılyǵy 900 000 teńge eken. Ol soǵan máz bolyp otyr» degen aqparattar tarap jatyr. О́zimizdiń úıde ne bolyp jatqanyn solardan estip otyrmyz», – dep túıindedi ol.
