الەم جاڭالىقتارى
جاپونيادا ەكسپو-2025 كورمەسى باستالدى
فوتو:
جاپونيادا ەكسپو-2025 كورمەسى باستالدى, دەپ جازدى qandastar.kz
حالىقارالىق دەڭگەيدەگى شارا وساكا قالاسىندا ءوتىپ جاتىر. وعان الەمنىڭ ءار تۇكپىرىنەن 160-تان استام مەملەكەت قاتىسۋدا. 6 اي ۋاقىتقا سوزىلاتىن كورمەدە تۋريستەر 80-گە جۋىق پاۆيلوندى تاماشالاي الادى. كورمەنىڭ العاشقى اشىلۋىندا 10 مىڭعا جۋىق ادام قاتىسقان.
atamekenbusiness_qaz حابارلاعانداي, ۇيىمداستىرۋشىلار قازان ايىنىڭ سوڭىنا دەيىن شامامەن 28 ملن تۋريست كەلەدى دەپ كۇتۋدە. الايدا, بيلەتتەر ساتىلىمى باياۋ جۇرگىزىلۋدە. اۋقىمدى شاراعا قاتىسۋ ءۇشىن الدىنا الا ساتىلعان بيلەتتەر كولەمى 9 ملن-عا جۋىقتايدى. جوسپار بويىنشا ونىڭ كولەمى 14 ملن بولۋى ءتيىس.
ايتا كەتەيىك, ەكسپو كورمەسى وساكا قالاسىندا وسىمەن ەكىنشى رەت ءوتىپ جاتىر. العاشقىسى 1970 جىلى ۇيىمداستىرىلىپ, وعان رەكوردتىق 64 ملن ادام جينالعان. اراعا ون جىل سالىپ بۇل كورسەتكىش 2010 جىلى شانحايدا جاڭاردى.
