Japonııada on kúnde 900 ret jer silkingen

2025 jyldyń 21 maýsymynan bastap Japonııanyń ońtústiginde ornalasqan Tokara araldarynda 900-den astam jer silkinisi tirkeldi, dep habarlaıdy Qandastar.kz.

Japonııanyń meteorologııalyq agenttiginiń málimetinshe eń kúshti jer silkinisi 2 shildede bolǵan. Ol kezde jer silkinisiniń magnıtýdasy 5,5-ke jetti. Jerdiń qatty silkingenine qaramastan, ázirge aıtarlyqtaı búlinýler men adam shyǵyndary týraly habar joq. Biraq bılik jergilikti turǵyndardy odan da qýatty silkinister bolýy múmkin dep eskertip, evakýaııaǵa daıyn bolýǵa keńes berdi.

Eń kóp silkinis – 183 – 23 maýsymda tirkelgen. Osy kúnnen keıin seısmıkalyq belsendilik sál báseńdegenimen, maýsym aıynyń sońynda qaıta kúsheıdi: 29 maýsymda 98 jer silkinisi, al 30 maýsymda 62 jer silkinisi boldy. Jeti qonystanǵan araldan turatyn arhıpelag bıliginiń málimetinshe, bul aımaqta shamamen 700 adam turady, jáne olar úzdiksiz silkinýlerden qatty sharshap, túnde uıyqtaýǵa qorqyp qalǵan.

Mundaı seısmıkalyq belsendiliktiń kúrt artýy 2023 jyldyń qyrkúıeginde de baıqalǵan – sol kezde Tokara araldarynda 346 jer silkinisi tirkelgen. Japonııa tórt tektonıkalyq plıtanyń túıisken jerinde ornalasqandyqtan, bul elde seısmıkalyq qubylystar jıi bolyp turady. Jyl saıyn munda shamamen 1500 jer silkinisi tirkeledi, bul Japonııany álemdegi eń seısmoaktıvti elderdiń birine aınaldyrady.

El bıligi sonymen qatar aldaǵy 30 jylda Nankaı jyryǵy aımaǵynda oryn alýy múmkin megajer silkinisi qaýpin de eske saldy. Sarapshylardyń boljaýynsha, mundaı apattyń oryn alý yqtımaldyǵy 75-82% aralyǵynda. Eger bul boljam rasqa aınalsa, saldary apatty bolýy múmkin.