جاپپاي تەكسەرۋ بولمايدى – Kaspi-اۋدارىمداردى باقىلاۋ جىرى نە بولدى

كوللاج: ulysmedia.kz.

Kaspi-اۋدارىمداردى باقىلاۋ ماسەلەسى جىل باسىنان بەرى ەڭ كوپ تالقىلانعان. بيىل جازدا قارجى ۆيتسە-ءمينيسترى ەرجان ءبىرجانوۆ «بۇل باعىتتا بيلىك قانداي شەشىمگە كەلدى» دەگەن Ulysmedia.kz ءتىلشىسىنىڭ سۇراعىنا جاۋاپ بەرگەن ەدى, دەپ حابارلايدى qandastar.kz.

ارادا ءۇش اي وتكەندە پورتال ءتىلشىسى وسى سۇراقتى قارجى ۆيتسە-ءمينيسترى ەرجان بىرجانوۆقا قايتا قويدى. سەبەبى سول كەزدە ۆيتسە-مينيستر «ماسەلە قايتا قارالىپ جاتىر» دەگەن بولاتىن.

ءبىرجانوۆ نە دەيدى

– كاسپي بانك اۋدارىمدارى بويىنشا ءبىزدىڭ ۇستانىمدارىمىز – جىل باسىنان بەرى بىرىڭعاي. جاپپاي تەكسەرۋ بولمايدى. تەك ەسكەرتۋ نەمەسە حابارلاما بەرۋ ارقىلى ەگەر ايىرماشىلىق شىعار بولسا, ۇسىنىس جاسايمىز. سەبەبى ولار سالىق تىركەۋىنە تۇرۋى كەرەك. نىسانالى دەكلاراتسيا تولتىرۋى ءتيىس. سالىق تولەۋى ءتيىس. جىبەرىلگەن حابارلامانى ورىنداماسا, باسقا شارا قولدانا الامىز. جاپپاي تەكسەرۋ فاكتىلەرى بولمايدى, – دەدى ءبىرجانوۆ ءماجىلىس كۋلۋارىندا.

ساۋداگەرلەر نە دەيدى?

Kaspi bank ارقىلى ازاماتتاردىڭ ءبىر-بىرىنە تەلەفون ءنومىرىن تەرىپ قانا جونەلتە بەرەتىن اقشاسى بيىلدان باستاپ سايابىرلاي باستاعان ەدى وعان «ەندى پەرەۆودتىڭ ءبارى باقىلاۋعا الىنادى ەكەن» دەگەن اڭگىمە تىكەلەي سەبەپ بولعان. ۇساق ساۋداسى, شاعىن دۇكەنى, ءدارىحاناسى بار ازاماتتار بۇعان دەيىن اقىنى اۋدارىممەن قابىلداي بەرسە دە, بيىلدان باستاپ قولما-قول اقشانى تالاپ ەتە باستاعان. تابىسىنىڭ از دا بولسىن بولىگىن سالىق رەتىندە بەرگىسى كەلمەيتىندەر بارشىلىق.

كەيىن بيلىك تاراپى ماسەلە قايتا ءجىتى زەرتتەلەتىنىن جەتكىزگەن ەدى.

سالىق ورگاندارىنىڭ وكىلدەرى, ەكونوميستەر مەن ساراپشىلار بۇل تاقىرىپتا ايتارىن ايتىپ-اق جاتىر. ال قاراپايىم ساۋداگەر نە دەيدى? Ulysmedia.kz ءتىلشىسى بازاردا ساۋداسى بار ءبىرشاما اداممەن سويلەسىپ, ولار وسى جونىندە نە ويلايتىنىن بىلىپ كورگەن بولاتىن.