جاڭالىقتار
جاراقات العاندار بار: الماتىدا اۆتوبۋس پەن پويىز سوقتىعىستى
فوتو: Almaty_my تەلەگرام ارناسى
الماتىدا قوعامدىق كولىك پەن پويىز سوقتىعىستى. وقيعا سالدارىنان 6 جولاۋشى جاراقات الدى. قالالىق پوليتسيا دەپارتامەنتىنىڭ مالىمەتىنە سايكەس, جول-كولىك وقيعاسى ساعات 11:40–تا المالى اۋدانىندا بولعان, دەپ حابارلايدى Skifnews.kz اقپارات پورتالى.
— جەكە تاسىمالداۋشىعا تيەسىلى № 88 اۆتوبۋس اۋەزوۆ كوشەسىمەن سولتۇستىك باعىتتا كەلە جاتىپ, گوگول كوشەسىنىڭ سولتۇستىگىندە باتىسقا قاراي تەمىر جولمەن كەلە جاتقان تەپلوۆوزبەن سوقتىعىستى. جول اپاتى سالدارىنان قوعامدىق كولىكتىڭ 6 جولاۋشىسى زارداپ شەكتى. ولارعا مەديتسينالىق كومەك كورسەتىلدى. وقيعانىڭ باسقا دا مان-جاعدايلارى انىقتالىپ جاتىر, — دەپ حابارلادى قالالىق پد باسپاسوز قىزمەتى.
