جاڭالىقتار
«جارامدىق مەرزىمى وتكەن ازىق-ت ۇلىك»: ەلىمىزدە 600-گە جۋىق كومپانيا الاياقتىق ءۇشىن جازاعا تارتىلدى
فوتو: اشىق دەرەككوز
تۇتىنۋشىلاردىڭ قۇقىعىن قورعاۋ كوميتەتى وتكەن جىلمەن سالىستىرعاندا 6 ەسە كوپ تەكسەرۋ جۇرگىزدى. ناتيجەسىندە 648 كومپانيا اكىمشىلىك جاۋاپكەرشىلىككە تارتىلدى.
بۇل تۋرالى تۇتىنۋشىلاردىڭ قۇقىعىن قورعاۋ كوميتەتى حابارلادى.
بۇل وتكەن جىلعى كورسەتكىشتەن ءتورت ەسە كوپ. بۇل تۋرالى ۇكىمەتتىڭ ءباسپاسوز قىزمەتى حابارلادى. ساۋدا جانە ينتەگراتسيا مينيسترلىگى 2024 جىلدىڭ العاشقى التى ايىندا 24 441 ءوتىنىشتى قارادى. بۇل وتكەن جىلمەن سالىستىرعاندا 60% كوپ.
«570 كاسىپكەرلىك سۋبەكتىسى تەكسەرىلدى. تۇتىنۋشىلار قۇقىقتارىن قورعاۋ شارالارىنىڭ ناتيجەسىندە 777 ملن تەڭگەدەن استام قاراجات قايتارىلدى», — دەپ حابارلادى ۇكىمەتتىڭ ءباسپاسوز قىزمەتى.
مينيسترلىك وسى جىلى 681 ءتۇرلى ءونىمدى تەكسەردى. ولاردىڭ ىشىندە ءسۇت, قايماق, ايران, مايلار, سۇزبە, ىرىمشىك, قۇس جانە ەت ونىمدەرى, شۇجىقتار بار. تەكسەرىلگەن ونىمدەردىڭ 405 تۇرىنەن زاڭ بۇزۋشىلىق انىقتالدى. 337 ءونىم تۇرىندە ماركالاۋدا زاڭ بۇزىلعان. ال 68 ءونىمنىڭ قۇرامى سايكەس كەلمەيدى نەمەسە مەرزىمى ءوتىپ كەتكەن تاۋارلار بولعانى انىقتالدى.
ەلىمىزدىڭ بارلىق وڭىرلەرىندە 26 قوعامدىق بىرلەستىك يمپورتتىق تاۋارلاردى تەكسەرىپ, كوپتەگەن زاڭ بۇزۋشىلىقتى انىقتادى.
