«Jaratqan jar bolsyn!»: Nurlan ımam fýtbolshylarǵa bata berip, duǵa jasady

Áleýmettik jelide Nurlan ımam dep tanylǵan Nurlan Baıjigituly fýtboldan Qazaqstan quramasynyń oıynshylarymen kezdesti, dep habarlaıdy Qandastar.kz.

Álı Álıev shákirtteri 4 qyrkúıek kúni álem chempıonatyna irikteý aıasynda elorda tórinde Ýels quramasyn qabyldaıdy. Kezdesý «Astana Arenada» ótedi. Mańyzdy match aldynda Nurlan ımam fýtbolshylarǵa batasyn berdi. Kezdesý sátin ımamnyń ózi áleýmettik jelidegi paraqshasynda jarııalap, ulttyq quramany qoldaýǵa shaqyrdy.

«Erteń dál osy arenada Qazaqstan quramasy Ýelspen oınaıdy. Bul kezdesýge bizdiń quramamyzdy bas bapker Álı Álıev baýyrymyz alyp shyǵady. Búgin oıynshylarymyzben kezigip, bata berip, jaqsy nıetimdi aıttym. El namysy úshin olar baryn salyp, baq pen baby birge órleıtinine senemin. Barshamyz jigitterimiz úshin duǵada bolaıyq. Jaratqan jar bolsyn!» — dep jazdy ol.

Ázirge ulttyq qurama kapıtany kim bolatyny belgisiz. Buǵan deıin qorǵaýshy Nuraly Álip osy mártebege ıe bolýy múmkin degen boljam aıtylǵan.

Aıta keteıik, Qazaqstan – Ýels matchy saǵat 19:00-de bastalady. Degenmen bıletterdiń barlyǵy satylyp ketken.