جاڭالىقتار
«جاراتۋشىعا جالىناتىنمىن»: «بەتپەردەلى جىگىت» سيرەك كەزدەسەتىن دياگنوزى بار قىزعا پاتەر سىيلادى
فوتو: ۆيدەو سكرينشوت
قايىرىمدىلىقپەن تاعى شىققان, الايدا اتى-ءجونى بەلگىسىز بەتپەردەلى جىگىت كەزەكتى رەت كومەككە مۇقتاج ادامعا قول ۇشىن سوزدى, دەپ حابارلايدى Qandastar.kz اقپارات پورتالى.
بۇل جولى ول 13 جاستاعى اليمە ەسىمدى ءۇشىنشى توپتاعى مۇگەدەك قىزعا ەرەكشە قولداۋ ءبىلدىردى. ول جالعىزباستى اناسى جانە كامەلەتكە تولماعان ىنىسىمەن جالدامالى پاتەردە تۇرىپ كەلگەن. ال وزىنە قاجەتتى شەتەلدەگى قىمبات ەمىنە اناسىمەن بىرگە جاساعان بىلەزىكتەرىن ساتىپ, اقشا جيناۋعا تىرىسقان.
«ماعان وتە سيرەك كەزدەسەتىن ۇزارعان QT ينتەرۆالى سيندرومى دەگەن دياگنوز قويىلدى. كەيىنگى ۋاقىتتا ەسىمدى ءجيى جوعالتىپ قۇلايتىن بولدىم. ماعان شەتەلدە قىمبات وپەراتسيا قاجەت. جۇرەككە كارديودەفيبريللياتور ورناتۋ كەرەك, ويتكەنى جۇرەگىم كەز كەلگەن ساتتە توقتاپ قالۋى مۇمكىن. سونداي-اق مەن سول جاق اياعىم قىسقا بولىپ تۋىلدىم, تاياقتىڭ كومەگىمەن جۇرەمىن. ءبىز جالدامالى پاتەردە ءومىر ءسۇرىپ جاتىرمىز. كۇندە جاتاردا جاتارۋشىدان ماعان كومەك بەرە الاتىن ادام جىبەرۋىن سۇراپ, جالبارىنامىن», — دەدى اليمە.
وسى ساتتە قايىرىمدى ازامات وعان ەم-دومى مەن وقۋى ءۇشىن قوماقتى قارجى بەرىپ, باسپانانىڭ كىلتىن تابىس ەتتى. مۇنداي سىي كۇتپەگەن قىز بەن ونىڭ اناسى ەرىكسىز كوزدەرىنە جاس الدى.
