جاڭالىقتار
جارما اۋدانىندا كارانتين جاريالاندى
فوتو: اشىق دەرەككوز
اباي وبلىسى جارما اۋدانى بۇلاق اۋىلىندا ءىرى قارا مالدان برۋتسەللەز اۋرۋىنىڭ انىقتالۋىنا بايلانىستى شەكتەۋ شارالارى ەنگىزىلدى, دەپ حابارلايدى qandastar.kz
اباي وبلىستىق ۆەتەريناريا باسقارماسىنىڭ مالىمەتىنشە, ايماقتا 200-گە جۋىق مال برۋتسەللەز جۇقتىرعان.
«بۇگىنگى تاڭدا شارۋا قوجالىقتارىنان 193 باس ءىرى قارا مال سويۋعا جىبەرىلدى. بارلىق اۋرۋ زەرتحانا ارقىلى راستالدى», — دەلىنگەن باسقارمانىڭ حاارلاماسىندا.
وسىعان بايلانىستى وڭىردە ۆەتەرينارلىق تالاپتارعا ساي كارانتيندىك شارالار جۇرگىزىلگەن.
ۆەتەريناريالىق قىزمەتتىڭ مالىمەتىنشە, بۇل ەلدى مەكەندە سوڭعى ءۇش ايدا 50-گە جۋىق برۋتسەللەز تىركەلگەن. ماماندار جاعدايدى تەكسەرىپ, باقىلاۋدى جالعاستىرۋدا.
