Jarty jylda Qazaqstanǵa qansha qandas kóship keldi

Bıylǵy jyldyń alǵashqy alty aıynda Qazaqstan aýmaǵyna 7000-ǵa jýyq qandas kóship kelgen, dep habarlaıdy QazAqparat tilshisi. QR Eńbek jáne halyqty áleýmettik qorǵaý mınıstrliginiń deregine súıensek, jarty jyldyń ishinde shetelden elimizge 6796 adamnan turatyn 4244 otbasy kóship kelgen. Kósh basynda О́zbekstan qazaqtary tur. Atalmysh elden 6 aıda 2355 otbasy, ıaǵnı, 3800 adam qonys aýdarǵan. Qytaıdan 1553 múshesi bar 1005 otbasy tarıhı otandaryna oralǵan. Belsendi elderdiń úshtigin Túrikmenstan túıindep tur. Bul elden 532 adamnan turatyn 282 januıa kósh baǵytyn Qazaqstanǵa burǵan. Sondaı-aq, Mońǵolııadan 402 qazaq, Reseıden 145 qazaq, Irannan 62 qazaq, Qyrǵyz Respýblıkasynan 46 qazaq, Tájikstannan 11 qazaq, Túrkııadan 3 qazaq, ózge de shet memleketterden 239 qazaq Qazaqstanǵa kóship kelgen.

Derekkóz: https://www.inform.kz/kz/zharty-zhylda-kazakstanga-kansha-kandas-koship-keldi_a3549978