جاس عالىمدار كەڭەسى قۇرىلدى

قازاقستان رەسپۋبليكاسىنىڭ پرەزيدەنتى جانىنداعى ۇلتتىق عىلىم اكادەمياسىنىڭ جانىنان جاس عالىمدار كەڭەسى قۇرىلدى. بۇل تۋرالى عىلىم جانە جوعارى ءبىلىم ءمينيسترى ساياسات نۇربەك جازدى. بۇل ءبىزدىڭ وتاندىق عىلىمدى ءھام جاس عالىمداردى قولداۋدىڭ ەڭ ءتيىمدى جولى ەكەنى اقيقات. ءۇمىتىن ۇكىلەپ, ەلگە, عىلىمعا ۇلەس قوسامىن دەگەن جاس عالىمدار ءۇشىن بۇل ارينە ۇلكەن مۇمكىندىك بولعانى جاسىرىن ەمەس, – دەدى مينيستر. پرەزيدەنت تاپسىرماسى اياسىندا جۇزەگە اسىپ جاتقان وسىنداي بىرەگەي جۇمىستار وتاندىق عىلىمنىڭ قارقىندى دامىپ, وسى ارقىلى ىرگەلى جانە قولدانبالى زەرتتەۋلەردىڭ اياسى كەڭەيەدى. قازىرگى تاڭدا ەلىمىزدە 22 مىڭنان اسا عالىم بار. عىلىمي دارەجەسى بار عالىمداردىڭ ورتاشا جاسى – 57 جاس بولسا, ولاردىڭ 15 پروتسەنتى زەينەت جاسىنا جەتكەندەر.  سونداي-اق عىلىمي باسقارۋ سالاسى بويىنشا جاس عالىمداردىڭ قۇقىقتارىن قورعاۋ ءۇشىن العاش رەت رەسمي تۇردە ومبۋدسمەن لاۋازىمى ەنگىزىلدى, جاس عالىمداردىڭ مارتەبەسىن ودان ءارى ىلگەرىلەتۋ جانە نىعايتۋ ميسسياسى جۇكتەلگەن جاس عالىمدار كەڭەسى پرەزيديۋمىنىڭ مۇشەسى بولىپ پروفەسسور ءمۇسلىم حاسەنوۆ سايلاندى. سونىمەن قاتار كەڭەس – جەتەكشى جاس عالىم ساراپشى رەتىندە تاۋەلسىز اناليتيكالىق ۇسىنىستار بەرە الادى. وعان قوسا اكادەميانىڭ ساراپتامالىق-تالداۋ قىزمەتىنە قاتىسادى, عىلىمدى كەڭىنەن ناسيحاتتاۋ جۇمىستارىنا بەلسەندى ارالاسۋ, بولجامدى زەرتتەۋلەر جۇرگىزۋ جانە ۇلتتىق باياندامالاردى دايىنداۋعا قاتىسۋ مارتەبەلەرىنە يە بولعانى وتاندىق عىلىم ءۇشىن ۇلكەن جەتىستىك ەكەنى جاسىرىن ەمەس. ءوزىمنىڭ جانە مينيسترلىك اتىنان وسىنداي ىرگەلى باستاماعا قۇتتى بولسىن ايتىپ, عىلىم اكادەمياسى مەن جاس عالىمدار كەڭەسىنىڭ جۇمىسىنا ساتتىلىكتەر تىلەيمىن! ەلدىك مۇددە جولىنداعى قادامدارىڭىز وڭ بولسىن! – دەدى ساياسات نۇربەك.