JAS ǴALYMDAR KEŃESI QURYLDY

Qazaqstan Respýblıkasynyń Prezıdenti janyndaǵy Ulttyq ǵylym akademııasynyń janynan Jas ǵalymdar keńesi quryldy. Bul týraly Ǵylym jáne joǵary bilim mınıstri Saıasat Nurbek jazdy. Bul bizdiń otandyq ǵylymdy hám jas ǵalymdardy qoldaýdyń eń tıimdi joly ekeni aqıqat. Úmitin úkilep, elge, ǵylymǵa úles qosamyn degen jas ǵalymdar úshin bul árıne úlken múmkindik bolǵany jasyryn emes, – dedi mınıstr. Prezıdent tapsyrmasy aıasynda júzege asyp jatqan osyndaı biregeı jumystar otandyq ǵylymnyń qarqyndy damyp, osy arqyly irgeli jáne qoldanbaly zertteýlerdiń aıasy keńeıedi. Qazirgi tańda elimizde 22 myńnan asa ǵalym bar. Ǵylymı dárejesi bar ǵalymdardyń ortasha jasy – 57 jas bolsa, olardyń 15 proenti zeınet jasyna jetkender.  Sondaı-aq Ǵylymı basqarý salasy boıynsha jas ǵalymdardyń quqyqtaryn qorǵaý úshin alǵash ret resmı túrde ombýdsmen laýazymy engizildi, jas ǵalymdardyń mártebesin odan ári ilgeriletý jáne nyǵaıtý mıssııasy júktelgen jas ǵalymdar keńesi prezıdıýmynyń múshesi bolyp professor Múslim Hasenov saılandy. Sonymen qatar keńes – jetekshi jas ǵalym sarapshy retinde táýelsiz analıtıkalyq usynystar bere alady. Oǵan qosa Akademııanyń saraptamalyq-taldaý qyzmetine qatysady, ǵylymdy keńinen nasıhattaý jumystaryna belsendi aralasý, boljamdy zertteýler júrgizý jáne Ulttyq baıandamalardy daıyndaýǵa qatysý mártebelerine ıe bolǵany otandyq ǵylym úshin úlken jetistik ekeni jasyryn emes. О́zimniń jáne mınıstrlik atynan osyndaı irgeli bastamaǵa qutty bolsyn aıtyp, Ǵylym akademııasy men Jas ǵalymdar keńesiniń jumysyna sáttilikter tileımin! Eldik múdde jolyndaǵy qadamdaryńyz oń bolsyn! – dedi Saıasat Nurbek.