Jas karateshiler BAÁ-de ótken týrnırde 4 altyn jeńip aldy

Foto: ashyq derekkóz

BAÁ-niń Fýdjeıra qalasynda jastar arasyndaǵy A serııasynyń 2025 jyldaǵy alǵashqy týrnıri aıaqtaldy. Qazaqstandyq sportshylar 11 medal jeńip aldy. Bul týraly Qazaqstan karate federaııasynyń baspasóz qyzmeti málimdedi, dep jazdy qandastar.kz

Bul synda Qazaqstan sportshylary 11 medalmen (4 altyn, 7 qola) jalpy esepte 4-satyǵa jaıǵasty. Al atalǵan dodada Reseı sportshylary kósh bastasa, ekinshi orynǵa Iran quramasy qol jetkizdi. Al úzdik úshinshi orynǵa Mysyr komandasy ıe boldy.

Alǵashqy altyndy kýmıte baǵdarlamasynda Dinmuhammed Aıdarbek (U16-17) 55 kg deıingi salmaqta top jaryp, qorjynǵa saldy. Dinmuhammed 2023 jyly osy Fýdjeıradaǵy jarysta 3-oryn alǵan.

Osydan keıin 14-15 jas sanatynda Nurasyl Nurseıit (-52 kg) pen Suńqar Qanıbek (-70 kg) chempıon atandy. Nurasyl asa tartysty ótken fınalda Maksım Vıechkanovty (Ýkraına), Suńqar Horvatııa ókilin tize búktirdi. Al sheshýshi jarys kúni Aıaýlym Tilektes (-47 kg) barlyq 6 jekpe-jekte qarsylasyn jeńip, myqty ekenin kórsetti.

Qola medal jeńip alyp, úzdik úshtikke kirgen sportshylarymyzdyń tizimi:

U21 jas sanaty – Aqnıet Sherızat (-55 kg)

U16-17 jas sanaty – Gúlnur Qoıshybaı (-59 kg);

U14-15 jas sanaty – Amır Keńesbaı (-52 kg), Rýslan Erkin (-57 kg), Batyr Ádil (-57 kg);

U12-13 jas sanaty – Arnur Murat (-45 kg) pen Insar Ahmadıev (-50 kg);

Aıta keteıik, Fýdjeıradaǵy týrnırge 87 memleketten 2 400-ge jýyq sportshy jınaldy. Qazaqstannan bıyl barlyǵy 140 karateshi synǵa tústi. Jastar arasyndaǵy serııanyń kelesi kezeńin Gvadalahara qalasy (Ispanııa) qabyldaıdy.