Jas mamandar NZM baryp, tájirıbe almasty

Júz jas maman “Jas basqarýshylar” mektebi aıasynda óńirdegi Nazarbaev zııatkerlik mektebiniń jumysymen tanysyp, tájirıbe almasty.

Muǵalimderge aldymen mektep ishin aralatty. Munda oqýshylardyń bilimi men ómirlik daǵdysyn qalyptastyrý úshin barlyq jaǵdaı jasalǵan. Mekteptegi ekskýrsııany pedagog-kýratory Maıra Qýanyshqyzy men 12-synyp oqýshysy júrgizdi.

Muǵalimder tek mekteppen tanysqan joq. Olar múmkindikti paıdalanyp, muǵalimdermen pikir almasyp, ata-ana jáne oqýshy arasyndaǵy baılanys, jumysqa ornalasý syndy mańyzdy suraqtaryn qoıdy.

Aıta keteıik, atalǵan joba Mańǵystaý oblystyq bilim basqarmasynyń qoldaýymen “Azamattyq bastamalardy qoldaý” ortalyǵymen birlese uıymdastyryldy. Oqytýǵa ár aýdan, qaladan kelgen 100 jas maman qatysqan bolatyn.