جاس ماماندار ءوز جوباسىن جاساقتادى

اقتاۋدا ءجۇز جاس مامان جوبا جاساقتادى. ەندى قاراشا ايىنىڭ سوڭىنا دەيىن جوباسىن مەكتەپتە ورىنداۋدى جوسپارلاپ وتىر.

الدىمەن مۇعالىمدەر جوبا جاساقتاۋ جانە ونىڭ ورىندالۋىن باسقارۋ بويىنشا مەنتور, ترەنەر, كوۋچ فاتيما سالقىنباەۆانىڭ «جوبالىق باسقارۋ» اتتى وقىتۋىنان ءوتتى. وقىتۋ بارىسىندا جوبا, ونىڭ تۇرلەرى مەن نەگىزدەرى, جوبا جازۋدا ەسكەرىلەتىن ەرەجەلەر مەن باعىت تاڭداۋداعى وزەكتىلىگى ايتىلدى. سونىڭ ناتيجەسىندە جاس ماماندار 5 توپقا ءبولىنىپ, ءوزىنىڭ جوباسىن جاساقتادى. سونداي-اق جوبا مەكتەپ ىشىندە ىسكە اسىرۋعا شەشىم قابىلداپ وتىر.

وقىتۋعا قاتىسقان جاس ماماننىڭ ءبىرى — «شاحتا» مەكتەبىنەن كەلگەن حيميا ءپانىنىڭ مۇعالىمى اقمارال الىبەكقىزى. ول «جاس زەرتتەۋشىلەر» اتتى جوبانىڭ قاڭقاسىن قالاپ, ماقساتى مەن مىندەتىن ايقىنداپ قويعان.

— مەنىڭ ويىمشا, «جاس باسقارۋشىلار» مەكتەبى جاقسى ويلاستىرىلعان. مۇعالىمدەر تەك ساباق بەرىپ قانا جۇرمەي, ءتۇرلى جوبانى قولعا الۋى كەرەك. بۇل رەتتە, ءبىز, ترەنەر فاتيما سالقىنباەۆادان جوبالىق باسقارۋ بويىنشا ءبىلىم الىپ, تاجىريبەمىزدە قولدانباقپىز. ءبىزدىڭ توپتىڭ ۇسىنعان جوباسى — «جاس زەرتتەۋشىلەر». ءبىزدىڭ ماقسات — مەملەكەت تاراپىنان عىلىمدى دامىتۋعا بەرىلىپ جاتقان مۇمكىندىك پەن قارجىنى ءتيىمدى پايدالانۋ. ال ول ءۇشىن وقۋشىلاردىڭ عىلىمي جۇمىسپەن اينالىسۋىنا جاردەمدەسىپ, قىزىعۋشىلىعىن ارتتىرۋ قاجەت. بۇگىنگى مۇعالىمدەردىڭ جوباسى بالالاردىڭ عىلىمعا سۇيىسپەنشىلىگىن وياتادى دەگەن ويدامىن, — دەيدى جاس مامان اقمارال الىبەكقىزى.

ايتا كەتەيىك, بۇعان دەيىن جاس ماماندار «كوشباسشى ءيميدجى», «گرانت. كونكۋرس. جوبا» جانە «قارجىلىق مەنەدجمەنت» بويىنشا ءبىلىم الدى.