جاڭالىقتار
«جاس جىگىتتىڭ ولىمىنە سەبەپكەر بولعان بلوگەر ەميليا دەگەن قىزدىڭ ەمىنە دەپ حالىقتان 1 ملرد تەڭگە جيناپ العان» – جۋرناليست
فوتو: جۋرناليست
بەلگىلى جۋرناليست ءارى قوعام بەلسەندىسى تورتۋىل شوقان ءوزiنiڭ facebook پaرaقشaسىندa جاس جىگىتتىڭ ولىمىنە سەبەپكەر بولعان «لامبوردجيني» كولىگىنىڭ يەسى, بەلگىلى بلوگەر بەيبىت الىبەكوۆكە قاتىستى ءبىر بىلىقتىڭ شەتىن شىعاردى, دەپ حابارلادى qandastar.kz sadaqmedia.kz اقپارات پورتالىنا سىلتەمە جاساپ.
ءجۋرناليستىڭ جازۋىنشا, الىبەكوۆ وسىدان ءبىر جىل بۇرىن ءبىر قىزدىڭ ەمىنە دەپ حالىقتان 1 ملرد تەڭگە جيناپ العان. بۇل الاياقتىق ءوز كەزەگىندە قۇزىرلى ورگاندار نازارىنان تىس قالعان.
«الەمجەلىدە «تيك-توك»قا قاۋىپتى ۆيدەوكونتەنت تۇسىرمەك بولعان 22 جاسار جىگىتتىڭ 45 جاستاعى جۇرگىزۋشىنىڭ باسقارۋىنداعى, تانىمال بلوگەر بەيبيت اليبەكوۆكە تيەسىلى «لامبوردجيني» كولىگى قاتىسقان تريۋكتە اجال قۇشقانى جازىلۋدا.
بەيبيت اليبەكوۆتىڭ ءوزى بۇل وقيعانى ادەتتەگى تۇككە تۇرعىسىز شارۋا سياقتى كوممەنتيروۆات ەتىپتى.
قاۋىپتى تريۋكتەردى ليتسەنزياسى بار كوماندا, كومپانيا جاساۋى ءتيىس!
دەمەك, وسى وقيعاعا قاتىسى بارلاردىڭ ءبارى جازالانسىن!
ەكىنشىدەن, 2021 جىلى بۇل ب. اليبەكوۆ تانىمال ادامداردىڭ قاتىسۋىمەن ەميليا دەگەن قىز ەمىنە دەپ حالىقتان 1 ملرد تەڭگە جيناپ الادى.
, ەميليانىڭ انىسى قىزىنىڭ دياگنوزى اۋەلدە قاتە قويىلعانىن, ال جينالعان اقشانىڭ قايدا جۇمسالعانىن بىلمەيتىنىن ايتىپتى.
ءجا, اليبەكوۆ كومانداسى ملرد تى جيناۋ بارىسىندا حالىققا ايفوندار مەن كامري 75 اۆتوكولىگىن بەرەمىز دەپ ۋادە ەتىپ, بەرمەپتى.
سول ۋاقىتتا بۇلار جاساعان الاياقتىققا قۇزىرلى ورگاندار ءمان بەرمەگەن.
اقپارات «egov. press» تك الىندى.
حالىققا ايتارىم, بلوگەرلەرگە اقشا جيناماڭدار!», دeپ جaزعaن ءوزiنiڭ facebook پaرaقشaسىندa.
بۇعان دەيىن جۋرناليست گۇلبانۋ انياتقىزى دا حالىقتى قايىرىمدىلىق قورلارى مەن مەشىتكە ەشقاشان اقشا اۋدارماۋعا شاقىرعان ەدى.
ايتۋىنشا, ونداي قورلار وتە كوپ, بىراق ەشقايسىسى دا ەسەپ بەرمەيدى.
«قايىرىمدىلىق قورلارىنا سەنبەيمىن جانە ەشقاشان اقشا جىبەرمەيمىن. مەشىتكە دە سولاي. كومەكتەسكىم كەلسە, سول ادامنىڭ وزىنە جىبەرەمىن.
بالاسىنىڭ ميىنا وتا جاساۋ كەرەك بولعان ءبىر ايەلدى بىلەتىنمىن. شەتەلگە اپارۋ ءۇشىن اقشا جيناپ جۇرگەن. ءبىر كۇنى الدىمنان سول ايەلدىڭ بالاسى شىرقىراپ جاتقان, كومەك سۇراعان ۆيدەوسى شىقتى. بىردەن اقشا جىبەردىم دە, وزىنە جازدىم. سۇيتسەم ء“بىز وپەراتسيا جاساتىپ العانبىز. ءۇيدى ساتتىق, بارىمىزدى ساتتىق, سولاي اقشا جينادىق” دەيدى.
ال ونداي قورلار بىزدە وتە كوپ. ەشقايسىسىنىڭ ەسەپ بەرگەنىن كورمەپپىن. قايىرىمدىلىق جاقسى عوي, قاداعالاۋ دا بولۋ كەرەك», – دەپ جازعان بولاتىن.
