جاسلان ماديەۆ SIM-كارتانىڭ جاۋاپكەرشىلىگى تۋرالى ايتتى

فوتو: اشىق دەرەككوز

قر تسيفرلىق دامۋ ءمينيسترى جاسلان ماديەۆ ءماجىلىس كۋلۋارىندا SIM-كارتانى ءۇشىنشى تۇلعالارعا بەرۋدىڭ جاۋاپكەرشىلىگى تۋرالى پىكىر ءبىلدىردى, دەپ حابارلايدى qandastar.kz

باق وكىلدەرى ۆەدومستۆو باسشىسىنان اتا-انا SIM-كارتاسىن بالاسىنا بەرە الا ما دەپ سۇرادى.

ء«يا, قازىر ءبىز نارىقتان ۇسىنىس جيناپ جاتىرمىز. بۇل ازىرگە تۇپكىلىكتى شەشىم ەمەس – ءالى تالقىلاپ جاتىرمىز. ءۇشىنشى تۇلعا – سىزبەن بايلانىسى جوق ادام. بالاعا بەرۋ نەمەسە بەرمەۋ ماسەلەسىنە كەلسەك, ءبىز ونى ەسكەرەمىز, بۇل ماسەلەنى قالاي رەتتەۋگە بولاتىنىن ويلاستىرامىز.

ارينە, بۇعان قىلمىستىق جاۋاپكەرشىلىك ەنگىزۋ ازىرگە جوسپارىمىزدا جوق. اكىمشىلىك ايىپپۇلدىڭ قانداي دا ءبىر ءتۇرى قاراستىرىلۋى مۇمكىن. سوندىقتان قازىر مۇنىڭ ءبارى تالقىلاۋ دەڭگەيىندە. ايىپپۇل بويىنشا ناقتى مالىمدەمە نەمەسە سانداردى كەلتىرۋ ءالى ەرتە. ءبىز ونى تالقىلاپ جاتىرمىز. بيىل دا (ۇسىنىس – رەد. ەسكەرتپەسى) ەنگىزىلىپ, تالقىلانادى دەپ ويلايمىن», — دەدى جاسلان ماديەۆ.