Jaslan Mádıev SIM-kartanyń jaýapkershiligi týraly aıtty

Foto: ashyq derekkóz

QR ıfrlyq damý mınıstri Jaslan Mádıev májilis kýlýarynda SIM-kartany úshinshi tulǵalarǵa berýdiń jaýapkershiligi týraly pikir bildirdi, dep habarlaıdy qandastar.kz

BAQ ókilderi vedomstvo basshysynan ata-ana SIM-kartasyn balasyna bere ala ma dep surady.

«Iá, qazir biz naryqtan usynys jınap jatyrmyz. Bul ázirge túpkilikti sheshim emes – áli talqylap jatyrmyz. Úshinshi tulǵa – sizben baılanysy joq adam. Balaǵa berý nemese bermeý máselesine kelsek, biz ony eskeremiz, bul máseleni qalaı retteýge bolatynyn oılastyramyz.

Árıne, buǵan qylmystyq jaýapkershilik engizý ázirge josparymyzda joq. Ákimshilik aıyppuldyń qandaı da bir túri qarastyrylýy múmkin. Sondyqtan qazir munyń bári talqylaý deńgeıinde. Aıyppul boıynsha naqty málimdeme nemese sandardy keltirý áli erte. Biz ony talqylap jatyrmyz. Bıyl da (usynys – red. eskertpesi) engizilip, talqylanady dep oılaımyn», — dedi Jaslan Mádıev.