«Jastar adasyp júr, saqaldy sportshylardyń kóbeıgeni alańdatady» – Baqtııar Artaev

Foto: ashyq derekkóz

Olımpıada oıyndarynyń chempıony Baqtııar Artaev ASSYLTAS TV Youtube arnasyna bergen suqbatynda ulttyq qundylyqtarymyz jaıly tolǵanyp, otandyq sporttan qazaqy qasıettiń alystap bara jatqanyn aıtty. Sonymen qatar  sportshylarymyz saqal da qoıǵanyna ashyndy, dep habarlaıdy qandastar.kz Alash.KZ ulttyq portalyna silteme jasap.

Olımpıada oıyndarynyń chempıony jastardyń qazir adasyp júrgenin aıtty:

«Kezinde ata-babalarymyz «Arýaq!» dep jaýǵa shapqan. Qazir ony bir kúnde joıyp jiberdi. Meni saqaldy jigitter sógetin shyǵar, biraq bul bolǵan dúnıe ǵoı. Batyrlarymyz arýaqtardyń basyna baryp syıynbaǵan, kerisinshe Quran baǵyshtaǵan. Men olımpıadaǵa barar kezde Qoja Ahmet Iassaýı, Baba túkti Shashty Áziz. Qarahan, Aısha bıbi, bárin aralap, Quran baǵyshtadym. Qazaqta: «О́li razy bolmaı, tiri baıymaıdy»,—degen jaqsy sóz bar. Onyń bári jaıdan-jaı alynbaǵan. О́kinishke qaraı, sońǵy kezderi jastarymyz sál shatasyp, barlyq nárseni burmalap jatyr. Salt-dástúrmen kele jatqan dúnıelerdi joǵaltpaýymyz kerek»,—dedi boksshy.

Keıin saqaldy jigitterge qatysty pikir bildirdi:

«Biz eliktegish halyqpyz qoı. Sonyń arqasynda sportshylarymyz saqal da qoıdy. Buryn suqbat bergende de aıtyp edim. Meniń oıymsha, óz-ózin dáleldeı almaǵan jigitter saqal qoıyp, osylaı ózderin dáleldegisi keletin sııaqty. Sportshylarymyzǵa bul salada rejım kerek dep jıi aıtamyn. Allanyń ózi eńbek etseń, beremin deıdi. Talaptanbasań, eńbektenbeseń, azannan keshke deıin namaz oqyp, daıyndyǵyńdy jasamasań, Alla saǵan qalaı beredi? On eki músheń saý, jattyǵý zalyna barar múmkindigiń bolsa, onda áreket etý kerek. Qudaıdan tile, alaıda is-áreket senen bolýy tıis. Sport — qysqa ǵana ǵumyr. Múmkin 4 jylǵa, múmkin 8 jylǵa sozylady. Bireýler tipti ulttyq qurama sapyna qosyla almaı ketedi. Sol úshin múmkindik berildi me, ony tolyǵymen sportqa arna. Júregiń taza bolsa, Alla seni eshqashan tozaqqa aparyp tyqpaıdy. Júregiń taza bolsa, sporttan keıin bes ýaqyt namazyńdy oqy, qajylyqqa bar, ata-anańa qyzmet jasa. Biraq sporttyq mansabyńdy aıaqta. Sportta júrgen kezde tańerteń, túnde turyp, uıqyń qanbaı, óz-ózińdi qınaı beretin bolsań, bul salada eshqandaı nátıjege qol jetkize almaısyń»,—dedi Baqtııar Artaev.