«Jastar sharshamaı ma?»: Almatynyń avtobýsynda úlken kisiler men boıjetkender oryn úshin daýlasqan

Foto: ashyq derekkóz

Tiktok áleýmettik jelisine vıdeo júktegen avtor Almatydaǵy avtobýs ishinde bolǵan daýdy bastan-aıaq baıandaǵan, dep habarlaıdy qandastar.kz Azattyq Rýhy saıtyna silteme jasap. 

Úlken er adam úshin oryn suraǵan áıel adam jastardy tabalap, eki qyzǵa «uıatsyz ekensińder» dep daýys kóterip, aıqaı salady. Jastar bolsa, avtobýsta eshkim eshkimge oryn berýge mindetti emes ekenin alǵa tartqan.

«Kóp ómir súrip qoıdyńdar ma? Kóp kórdińder me? Bul – úıdegi tárbıeden emes, adamnyń sanasyna baılanysty nárse. Meniń qyzym eshqashan avtobýsta úlken kisilerge oryn bermeı otyrmaıdy», – deıdi jastardy kinálaǵan áıel.

Vıdeoǵa pikir jazǵandar eki boıjetkenge aqyl aıtyp, áıeldi sotqa berýge bolady deıdi. Sebebi qoǵamdyq oryndarda eshkim eshkimniń ar-ojdanyna tıe almaıdy.

«Jastar sharshamaı ma? Aıtarǵa sózim joq. Mádenıetti túrde «qyzym, oryn bershi» dese, kez kelgen adam qabyldap, ornyn usynar edi. Biz de tańerteń kepteliste turmas úshin erte 5-6-da shyǵyp, sabaǵymyzǵa baryp, keıin jumystan keshke úıge qaıtarda avtobýsta otyryp barǵymyz keledi. Tárbıesine, ata-anasyna til tıgizgeni durys pa? Áıeldi áıel túsinbese, kim túsinedi?», – dep jazdy halyq.