جاستاردىڭ تەڭ جارتىسى قازاقستاندى جەك كورەدى – دەپۋتات زايىتوۆ

فوتو: ءماجىلىس

ءماجىلىس دەپۋتاتى رينات زايىتوۆ قازاقستاننىڭ بولاشاعىنا الاڭداپ وتىر. ايتۋىنشا, ەلدە ەرتەڭگە دەگەن تۇعىر, تەمىرقازىق جوق. «مىناداي يدەولوگيامەن وسىنداي مەملەكەت قۇرامىز دەگەن ۇستانىمدى ءالى كۇنگە ايقىندامادىق.», – دەيدى ول «ايرانداعى» ارىپتەستەرگە بەرگەن سۇحباتىندا, دەپ جازادى qandastar.kz

الايدا, بۇگىندە كوپشىلىك «جاڭا قازاقستاننان» كۇدەر ۇزە باستاعان, سەبەبى ونداعى «جاڭا» دەگەن سوزگە قوعام كۇمانمەن قارايدى. «قازاقستان – جالعىز, بىراق جاڭارۋ يدەياسى وزەكتى ەدى. ەگەر شىنىمەن جاڭاشىلدىققا ۇمتىلساق, قازىرگىدەن الدەقايدا جەدەل قيمىلداۋعا بولار ەدى. الايدا تەرمينولوگيانىڭ ءوزى سۇيىلىپ كەتتى«, – دەيدى دەپۋتات. بۇدان بولەك باسقا دا ماڭىزدى باعىتتار ورىندالماعان كۇيى, ورتا جولدا قالعان. «قازاق مەملەكەتىن قۇرامىز دەيمىز, بىراق ۇلت جاناشىرلارى سوتتالىپ جاتىر. تۇران وداعىن قۇرامىز دەيمىز, بىراق ءالى كۇنگە دەيىن اۋىزبىرلىك جوق», – دەيدى زايىتوۆ.

اشكەرە تەلەگرام ارناسى حابارلاعانداي, احۋالعا ۇكىمەتتىڭ سىلبىرلىعى سەبەپ بولىپ وتىر. ءسوي دەگەن زايىتوۆ: «ۇسىنىستارىمىز ىسكە اسسا, ىلگەرىلەۋ بولاتىن ەدى. مينيسترلەر «جارايدى» دەيدى دە, ءىز-ءتۇزسىز كەتەدى», – دەپ قىنجىلىپ وتىر. دەپۋتات ءسوز اراسىندا ءپۋتيندى دە قىستىرا ەكەن.