Áleýmet jáne qoǵam
Jastardyń teń jartysy Qazaqstandy jek kóredi – depýtat Zaıytov
Foto: májilis
Májilis depýtaty Rınat Zaıytov Qazaqstannyń bolashaǵyna alańdap otyr. Aıtýynsha, elde erteńge degen tuǵyr, temirqazyq joq. «Mynadaı ıdeologııamen osyndaı memleket quramyz degen ustanymdy áli kúnge aıqyndamadyq.», – deıdi ol «Aırandaǵy» áriptesterge bergen suhbatynda, dep jazady qandastar.kz
Zaıytov bastapqyda prezıdent Toqaevtyń «Jańa Qazaqstan» ıdeıasyna úlken senim artqanyn aıtady.
Alaıda, búginde kópshilik «Jańa Qazaqstannan» kúder úze bastaǵan, sebebi ondaǵy «jańa» degen sózge qoǵam kúmánmen qaraıdy. «Qazaqstan – jalǵyz, biraq jańarý ıdeıasy ózekti edi. Eger shynymen jańashyldyqqa umtylsaq, qazirgiden áldeqaıda jedel qımyldaýǵa bolar edi. Alaıda termınologııanyń ózi suıylyp ketti«, – deıdi depýtat. Budan bólek basqa da mańyzdy baǵyttar oryndalmaǵan kúıi, orta jolda qalǵan. «Qazaq memleketin quramyz deımiz, biraq ult janashyrlary sottalyp jatyr. Turan odaǵyn quramyz deımiz, biraq áli kúnge deıin aýyzbirlik joq», – deıdi Zaıytov.
Onyń paıymdaýynsha qazirgi jastardyń teń jartysy Qazaqstandy jek kóredi, Qazaqstanda qalǵysy kelmeıdi.
Áshkere telegram arnasy habarlaǵandaı, ahýalǵa úkimettiń sylbyrlyǵy sebep bolyp otyr. Sóı degen Zaıytov: «Usynystarymyz iske assa, ilgerileý bolatyn edi. Mınıstrler «jaraıdy» deıdi de, iz-túzsiz ketedi», – dep qynjylyp otyr. Depýtat sóz arasynda Pýtındi de qystyra eken.
