«Jastyqpen bylaı tunshyqtyrdym». Eki balasyn óltirgen áıeldiń tergeý kezindegi vıdeosy tarady(VIDEO)

Jelide eki balasyn óltirgen áıeldiń jaýap alý kezindegi vıdeosy tarady, dep habarlaıdy KYN.KZ aqparat agenttigi.

Tergeý kezindegi beınejazbanyń úzindisi HolaNews Telegram kanalynda jarııalandy.

Aıta keteıik, Shıeli aýdanyndaǵy mektepterdiń birinde jumys istegen  31 jastaǵy áıel 6 aqpanda eshkimge eskertpesten, úıinen eki balasyn alyp, Túrkistan qalasyna ketip qalǵan. Erteńine, jaldamaly páterde 2 balasyn jastyqpen tunshyqtyryp óltirgen. Ol bul qadamǵa kúıeýimen ursyp qalǵan soń, barǵan.

Túrkistan oblysynyń qylmystyq ister jónindegi mamandandyrylǵan aýdanaralyq soty Túrkistan qalasynda «eki balasyn tunshyqtyryp óltirdi» degen aıyp taǵylǵan 31 jastaǵy Bota Hamıtqyzyna 15 jyl túrme jazasyn kesti. Ol jazasyn qaýipsizdigi ortasha túzeý mekemesinde óteıdi.