جاڭالىقتار
«جاۋاپ الىندى»: شاۆكات راحمونوۆتىڭ ايەلىنە قاتىستى سوڭعى دەرەك شىقتى
UFC-دە ونەر كورسەتەتىن تانىمال سپورتشى شاۆكات راحمونوۆتىڭ جۇبايى گۋلايىم راحمونوۆا ەكى ايەلدىڭ ولىمىنە سەبەپ بولعان جول-كولىك وقيعاسى بويىنشا قورعاۋ قۇقىعى بار كۋاگەر مارتەبەسىندە تەرگەلىپ جاتىر, دەپ حابارلايدى Qandastar.kz
جامبىل وبلىستىق پوليتسيا دەپارتامەنتى جول-كولىك وقيعاسى فاكتىسى بويىنشا تەرگەۋ ارەكەتتەرى شەڭبەرىندە بولعان وقيعانىڭ شىنايى بەينەسىن انىقتاۋعا باعىتتالعان بارلىق قاجەتتى پروتسەسسۋالدىق شارا جۇرگىزىلىپ جاتىر.
ء«تيىستى ساراپتامالار تاعايىندالدى. قازىر ازاماتشا قورعاۋ قۇقىعى بار كۋاگەر رەتىندە جاۋاپ الىندى. ول الماتىداعى اۋرۋحانادا ەم قابىلداپ جاتىر. تەرگەۋ شارالارىنىڭ قورىتىنىسىنا سايكەس وعان قاتىستى قولدانىستاعى زاڭناما اياسىندا پروتسەسسۋالدىق شەشىم قابىلدانادى. قىلمىستىق-پروتسەسسۋالدىق كودەكستىڭ 201-بابىنا سايكەس تەرگەۋ مۇددەسىنە بايلانىستى وزگە اقپارات جاريا ەتىلمەيدى», – دەپ جاۋاپ بەردى پوليتسيا وكىلدەرى.
قازىر الەۋمەتتىك جەلىدە راحمونوۆتار وتباسىن قولداۋعا ارنالعان ناۋقان ءجۇرىپ جاتىر. پىكىر بىلدىرۋشىلەر ايەل ادامدى جاۋاپقا تارتۋ شاۆكات راحمونوۆتىڭ مانسابىنا زيانىن تيگىزەدى دەپ جازىپ جاتىر. ولاردىڭ پىكىرىنشە, ول ناعىز باتىر, ال بولعان جاعداي تەك كەزدەيسوق اپات.
