الەۋمەت جانە قوعامجاڭالىقتار
جاياۋ جۇرگىنشىلەردىڭ دە ماس ەكەنى تەكسەرىلمەك
16 قىركۇيەكتەن باستاپ كولىك جۇرگىزۋشىلەرىنىڭ ماس كۇيىن انىقتاۋ ەرەجەلەرى وزگەرەدى, دەپ حابارلايدى Qandastar.kz
بۇعان دەيىن تەك جۇرگىزۋشىلەر تەكسەرىلسە, ەندى جاياۋ جۇرگىنشىلەر مەن موپەد ايداۋشىلار دا تەكسەرىستەن ءوتۋى مۇمكىن. الايدا ولاردىڭ ماس كۇيىندە جۇرگەنى انىقتالعان جاعدايدا قانداي جازا قولدانىلاتىنى ازىرگە بەلگىسىز. جاڭارتىلعان ءتارتىپ بويىنشا تەكسەرۋگە جولداما ەلەكتروندى تۇردە راسىمدەلەدى. كۋاگەردىڭ قاتىسۋى مىندەتتى ەمەس, بىراق بەينە نەمەسە اۋديو جازبا جاسالادى. سونداي-اق ادامنىڭ جازباشا كەلىسىمى الىنۋى ءتيىس. ەگەر كۋاگەرسىز جۇرگىزىلگەن تەكسەرۋدەن باس تارتسا نەمەسە ناتيجەسىمەن كەلىسپەسە, ول مەملەكەتتىك مەديتسينالىق مەكەمەگە جىبەرىلەدى.
