جازدا ەلىمىزدىڭ ءبىراز بولىگىندە ءورت قاۋپى جوعارى – قازگيدرومەت

ارينە, بۇل – بولجام عانا. اپات ايتىپ كەلمەيدى. «ءبارى جاراتقاننىڭ قولىندا» دەپ جاتامىز. «قازگيدرومەت» رمك گيدرومەتەورولوگيالىق ورتالىعىنىڭ ديرەكتورى مارينا ءشميدتتىڭ ايتۋىنشا, اتالعان مەكەمە تابيعي ءورتتىڭ تۋىنداۋ جاعدايلارىن عانا بولجايدى.

«قار جامىلعىسى ەرىگەن ساتتەن باستاپ تۇراقتى جاڭبىرلى اۋا رايى باستالعانعا دەيىن نەمەسە قار جامىلعىسى پايدا بولعانعا دەيىن, ياعني 15 ساۋىردەن 15 قازانعا دەيىن ءورت قاۋپى بولجامى شىعارىلادى. جاۋىن-شاشىنسىز اۋا رايى جانە جوعارى اۋا تەمپەراتۋرا ساقتالعان ۋاقىتتا «قازگيدرومەت» ءورت قاۋىپتىلىگى تۋرالى ەسكەرتۋلەردى بارىنشا ۋاقتىلى (1-7 تاۋلىك الدىن الا) شىعارۋعا تىرىسادى. ەسكەرتۋلەر بارلىق مەملەكەتتىك ورگاندارعا, توتەنشە جاعدايلاردى باسقارۋ ورتالىقتارىنا, قالالاردىڭ, وبلىستاردىڭ اكىمدىكتەرىنە جانە باسقا دا مۇددەلى ورگاندارعا جەدەل جەتكىزىلەدى», — دەدى ول.

«قازگيدرومەت» رمك ۇزاق مەرزىمدى اۋا رايى بولجامىنا سايكەس, مامىر جانە ماۋسىم ايلارىندا اۋا تەمپەراتۋراسى كليماتتىق نورمادان 1-2° جوعارى بولادى دەپ كۇتىلىپ وتىر. شىلدە جانە تامىز ايلارىندا تەمپەراتۋرا قالىپتى دەڭگەيدە بولادى. مامىر جانە جاز مەزگىلىندە جاۋىن-شاشىن مولشەرى ەلىمىزدىڭ باسىم بولىگىندە قالىپتى جاعدايدا نەمەسە ودان از بولادى دەپ بولجانعان.