Jazǵy demalys. Balalar qaýipsizdigi qalaı qamtylady

Bıyl túrli lagerlerde 109 myńnan astam oqýshy tynyǵady. Jalpy oqytý qory esebinen áleýmettik áljýaz toptarǵa jatatyn otbasylardyń 12 myńnan astam ul-qyz qala syrtyndaǵy jáne mektepaldy lagerlerinde demalady. Buǵan 235 mln teńge bólindi.

Oblys boıynsha 11 memlekettik lager iske qosylady. Jazǵy demalys bastalǵanǵa deıin tıisti tekserý jumystary bastaldy. Tótenshe jaǵdaı, sanıtarlyq-epıdemıologııalyq baqylaý qyzmeti mamandary nysandardyń daıyndyǵyn pysyqtady.

Zerthanalyq baqylaý aıasynda maýsymdyq lagerlerdiń barlyǵyndaǵy oıyn jáne sport alańdarynan 42 qum synamasy alyndy. Sonymen qatar ózen-kól mańyndaǵy lagerlerdiń sý aıdyndarynan 37 sý synamasy alyndy. Tekserilgen synamalar normaǵa sáıkes. Búginde jyl boıy jumys isteıtin qala syrtyndaǵy lagerlerge sanıtarlyq-epıdemıologııalyq qorytyndy berildi. Qalǵan oryndarǵa daıyndyq jumystary júrip jatyr. Qaýipsizdik sharalary sheńberinde dezınsekııalyq, jóndeý, dezınfekııalyq, abattandyrý jumystary qolǵa alyndy, – deıdi oblystyq sanıtarlyq-epıdemıologııalyq baqylaý departamenti basshysynyń orynbasary Gúlnar Aqylbekova.

Jazǵy demalys kezinde ishki ister organdary jazǵy lagerlerdiń qaýipsizdigin baqylaıdy. Maýsym bastalǵan sátten bastap ár nysanǵa ýchaskelik ınspektorlar bekitiledi. Balalar tasymaly da polıeılerdiń jiti baqylaýynda bolmaq. Al jetkinshekterdiń sýdaǵy qaýipsizdigin qamtamasyz etý maqsatynda reıdtik sharalar júrgiziledi. Tótenshe jaǵdaı qyzmetiniń ókilderi aımaqtaǵy 47 lagerdegi qaýipsizdikti qadaǵalaıdy.