جازۋشى جۇماباي شاشتاي ۇلى ومىردەن وزدى

74 جاسقا قاراعان شاعىندا جازۋشى جۇماباي شاشتاي ۇلى ومىردەن وزدى.  جامبىل اۋدانى, جامبىل اۋىلىندا دۇنيەگە كەلگەن قالامگەر كەزىندە «كوممۋنيزم جولى», «لەنينشىل جاس», «سوتسياليستىك قازاقستان» گازەتتەرىندە, «جالىن» جۋرنالىندا جۇمىس ىستەدى. «قازاق ءتىلى» قوعامىنىڭ الماتى وبلىستىق كوميتەتى توراعاسىنىڭ ورىنباسارى قىزمەتىن اتقاردى. كەيىن «جاس الاش», «قازاق ادەبيەتى» گازەتتەرىندە ىستەپ, «زامان-قازاقستان» گازەتىنىڭ, سوسىن قازاق راديوسىنىڭ باس رەداكتورى قىزمەتتەرىن اتقاردى. «قازاق ادەبيەتى» گازەتىندە باس رەداكتور بولعان. ول وقىرمانعا «قىزىل قار» , «جالا مەن نالا», «جىر جولبارىس», «ءبىزدىڭ زاماننىڭ اياز ءبيى» , «جاڭعىرىق» شىعارمالارىمەن تانىس. ال كوكجاشىك تەلەەكران كورەرمەندەرى ونى «ۇزەڭگى جولداس» تەلەحابارى ارقىلى جاقسى بىلەدى. ول حالىقارالىق جامبىل اتىنداعى سىيلىقتىڭ لاۋرەاتى, قر پرەزيدەنتىنىڭ ستيپەندياتى, قر ەڭبەك سىڭىرگەن قايراتكەرى,  حالىقارالىق «الاش» سىيلىعىنىڭ لاۋرەاتى  اتاقتارىن يەلەنگەن.