جاڭالىقتار
جەدەل-جاردەم 20:00 دەن كەيىن حابارلاسقاندارعا كەلمەيدى – مينيستر نەگە بۇنداي ەرەجە شىعاردى?
فوتو: اشىق دەرەككوز
دەنساۋلىق ساقتاۋ ءمينيسترى اقمارال ءالنازاروۆا قازاقستانداعى جەدەل جاردەم تۋرالى جاڭا زاڭ تۋرالى پىكىر ءبىلدىردى, دەپ حابارلايدى qandastar.kz Alash.kz ۇلتتىق پورتالىنا سىلتەمە جاساپ.
جاڭا ەرەجە بويىنشا, 4-ساناتتاعى ناۋقاستار جۇمىس كۇندەرى جانە سەنبى كۇندەرى ساعات 08:00-دەن 20:00-گە دەيىن عانا جەدەل جاردەم شاقىرا الادى. بىراق قۇجات ءالى ناقتىلانبادى. قوعامدىق تالقىلاۋدان عانا وتكەن.
“باستاپقىدا بۇيرىق جوباسىندا جەدەل مەديتسينالىق جاردەم قىزمەتى 1, 2 جانە 3 ساناتتاعى ناۋقاستارعا تاۋلىك بويى قىزمەت كورسەتەتىنى جانە جۇمىس ىستەيتىنى ايتىلعان. ال 4-ساناتتاعى ناۋقاستارعا العاشقى مەديتسينالىق-سانيتارلىق كومەك كورسەتىلەدى. مەديتسينالىق كومەك كورسەتۋدىڭ قولجەتىمدىلىگى مەن جىلدامدىعىن قامتاماسىز ەتۋ ماقساتىندا 4-ساناتتاعى ناۋقاستاردى تۇنگى ۋاقىتتا جەدەل مەديتسينالىق جاردەم ستانتسياسىنا كوشىرۋ, ال پوليكلينيكالاردا جۇمىس ۋاقىتىن ساعات 08:00-دەن 20:00-گە دەيىن قالدىرۋ ۇسىنىلادى», – دەدى ءالنازاروۆا.
ايتا كەتۋ قاجەت, جەدەل مەديتسينالىق كومەك كورسەتۋ ەرەجەسىنە ەنگىزىلگەن جاڭا تۇزەتۋلەردە جاردەم جاردەم شاقىرۋدىڭ 4 شۇعىل ساناتى بەلگىلەنگەن.
– 1-ساناتتاعى شۇعىل شاقىرۋ – دەرەۋ مەديتسينالىق كومەكتى قاجەت ەتەتىن ومىرىنە تىكەلەي قاۋىپ ءتونىپ تۇرعان ناۋقاس;
– 2-ساناتتاعى شۇعىل شاقىرۋ – مەديتسينالىق كومەكسىز ومىرىنە ىقتيمال قاۋىپ ءتونىپ تۇرعان ناۋقاس;
– 3-ساناتتى شۇعىل شاقىرۋ – مەديتسينالىق كومەكسىز دەنساۋلىعىنا قاۋىپ ءتونىپ تۇرعان ناۋقاس;
– 4-ساناتتاعى شۇعىل شاقىرۋ – اعزالار مەن جۇيەلەردىڭ كەنەتتەن جانە ايقىن بۇزىلۋىنسىز, ءومىرى مەن دەنساۋلىعىنا تىكەلەي جانە ىقتيمال قاۋىپ توندىرمەيتىن, جەدەل اۋرۋدان نەمەسە سوزىلمالى اۋرۋدىڭ ورشۋىنەن تۋىنداعان ناۋقاس.
