Jedel-járdem 20:00 den keıin habarlasqandarǵa kelmeıdi – Mınıstr nege bundaı ereje shyǵardy?

Foto: ashyq derekkóz

Densaýlyq saqtaý mınıstri Aqmaral Álnazarova Qazaqstandaǵy jedel járdem týraly jańa zań týraly pikir bildirdi, dep habarlaıdy  qandastar.kz   Alash.kz ulttyq portalyna silteme jasap.

Jańa ereje boıynsha, 4-sanattaǵy naýqastar jumys kúnderi jáne senbi kúnderi saǵat 08:00-den 20:00-ge deıin ǵana jedel járdem shaqyra alady. Biraq qujat áli naqtylanbady. Qoǵamdyq talqylaýdan ǵana ótken.

“Bastapqyda buıryq jobasynda jedel medıınalyq járdem qyzmeti 1, 2 jáne 3 sanattaǵy naýqastarǵa táýlik boıy qyzmet kórsetetini jáne jumys isteıtini aıtylǵan. Al 4-sanattaǵy naýqastarǵa alǵashqy medıınalyq-sanıtarlyq kómek kórsetiledi. Medıınalyq kómek kórsetýdiń qoljetimdiligi men jyldamdyǵyn qamtamasyz etý maqsatynda 4-sanattaǵy naýqastardy túngi ýaqytta jedel medıınalyq járdem stanııasyna kóshirý, al polıklınıkalarda jumys ýaqytyn saǵat 08:00-den 20:00-ge deıin qaldyrý usynylady», – dedi Álnazarova.

Aıta ketý qajet, jedel medıınalyq kómek kórsetý erejesine engizilgen jańa túzetýlerde járdem járdem shaqyrýdyń 4 shuǵyl sanaty belgilengen.

– 1-sanattaǵy shuǵyl shaqyrý – dereý medıınalyq kómekti qajet etetin ómirine tikeleı qaýip tónip turǵan naýqas;

– 2-sanattaǵy shuǵyl shaqyrý – medıınalyq kómeksiz ómirine yqtımal qaýip tónip turǵan naýqas;

– 3-sanatty shuǵyl shaqyrý – medıınalyq kómeksiz densaýlyǵyna qaýip tónip turǵan naýqas;

– 4-sanattaǵy shuǵyl shaqyrý – aǵzalar men júıelerdiń kenetten jáne aıqyn buzylýynsyz, ómiri men densaýlyǵyna tikeleı jáne yqtımal qaýip tóndirmeıtin, jedel aýrýdan nemese sozylmaly aýrýdyń órshýinen týyndaǵan naýqas.