«جەكە كۋالىگىمدى جاساپ العان»: دەپۋتات داۋلەت مۇقاەۆ جەلىدەگى الاياقتاردان ساق بولۋعا شاقىردى

فوتو: instagram.com/mukayevdaulet

ءماجىلىس دەپۋتاتى, بلوگەر داۋلەت مۇقاەۆ الەۋمەتتىك جەلىدەگى الاياقتاردان ساق بولۋعا شاقىردى, دەپ حابارلايدى qandastar.kz Skifnews.kz اقپارات پورتالىنا سىلتەمە جاساپ. 

حالىق قالاۋلىسى اتىن جامىلىپ, جالعان پاراقشادان اقشا تاراتاتىندارعا ۇندەۋ جاسادى.

ء“بىزدىڭ ەلدە ەكونوميكاعا قاراعاندا ساناسىزدىق پەن الاياقتىق ءوسىپ جاتىر. الاياقتار فوتوشوپپەن جەكە كۋالىگىمدى جاساپ الىپ, ەلدەرگە وسىلاي حات جىبەرىپ جاتىر ەكەن. جەكە كۋالىككە ءبىز بۇلاي فوتوعا تۇسپەيمىز! الدانباڭىزدار! مەن ەشتەڭە ويناتىپ جاتقانىم جوق”, – دەپ جازدى داۋلەت تولەۋتاي ۇلى.

سونداي-اق دەپۋتات جالعان كۋالىكتى دە كورسەتىپ, الاياقتار جىبەرەتىن حابارلامانىڭ ورفوگرافيالىق قاتەسىن ساقتاپ جاريالادى.