«Jeke kýáligimdi jasap alǵan»: Depýtat Dáýlet Muqaev jelidegi alaıaqtardan saq bolýǵa shaqyrdy

Foto: instagram.com/mukayevdaulet

Májilis depýtaty, bloger Dáýlet Muqaev áleýmettik jelidegi alaıaqtardan saq bolýǵa shaqyrdy, dep habarlaıdy qandastar.kz Skifnews.kz aqparat portalyna silteme jasap. 

Halyq qalaýlysy atyn jamylyp, jalǵan paraqshadan aqsha taratatyndarǵa úndeý jasady.

“Bizdiń elde ekonomıkaǵa qaraǵanda sanasyzdyq pen alaıaqtyq ósip jatyr. Alaıaqtar fotoshoppen jeke kýáligimdi jasap alyp, elderge osylaı hat jiberip jatyr eken. Jeke kýálikke biz bulaı fotoǵa túspeımiz! Aldanbańyzdar! Men eshteńe oınatyp jatqanym joq”, – dep jazdy Dáýlet Tóleýtaıuly.

Sondaı-aq depýtat jalǵan kýálikti de kórsetip, alaıaqtar jiberetin habarlamanyń orfografııalyq qatesin saqtap jarııalady.