«Jeke ómirimdi sóz etýge qaqyńyz joq»: Tanymal advokat jýrnalıst Jylqyshybaıdy sotqa beretinin aıtty

Belgili advokat Lázzat Ahatova jýrnalıst Nurseıit Jylqyshybaıdy sotqa beretinin málimdedi, dep habarlaıdy qandastar.kz

Advokat paraqshasynda jýrnalıstiń Muhamedjan Tazabekpen suhbatynda ózi jaıly qozǵalǵan áńgimeni bólisti. Suhbat kezinde Jylqyshybaı Tazabekke «Stýdent kezińizde Lázzat Ahatovaǵa ǵashyq boldyńyz ba? Qazir ol ajyrasyp ketken. Qazir artynan júgirmeseńiz de, jıi sóılesedi ekensiz. Áli de ǵashyqsyz ba? Urpaq órbitý maqsatyńyz da joq pa?» dep suraq qoıǵan.

Bul suraqtarǵa Tazabek barynsha ustamdy jaýap bergen. Biraq advokat Ahatova únsiz qalmady.

«Nurseıit Jylqyshybaı, myna suraǵyńyz óte ersi. Muhamedjan durys aıtady, birge oqydyq. Men ol kezde uzatylyp ketken, óz otbasy bar adam edim. Muhańmen birge oqydy degen atym bolmasa, kóp te aralaspaǵanbyz. Men tek Muhamedjanmen emes, kýrstastardyń denimen dos retinde aralasam. Ol zańdy da. Qazir ajyrasyp ketsem, nemene mindetti túrde birge oqyǵan bireýmen júrý kerek pe? Men qansha jerden basym bos bolsa da, otbasyly azamatpen baılanysqan emespin, baılanyspaımyn da. О́zimniń otbasymnyń shyrqy solaı buzylyp, shańyraǵym ortasyna túsken soń, eshqashan bireýdiń uıyp otyrǵan shańyraǵyn buzbaımyn da, ózimdeı anaǵa, áıelge tıtteı de zııanymdy tıgizbeımin. Meniń ómirlik prınıpim sondaı. Meniń jeke ómirimdi sóz etýge qaqyńyz joq! Ajyrassam, erden ajyrasqan shyǵarmyn, biraq meniń altyndaı ul-qyzym bar, jalǵyz emespin», — dedi advokat.

Skifnews.kz aqparat portaly jazǵandaı,  Lázzat Ahatova Muhamedjan Tazabekti Qańtardan keıin emoııamen (múmkin negizsiz) kinálaǵan shyǵarmyn dep aıtyp, dinı senimine kúmán bolǵan shyǵar, biraq qudaıshylyǵyn aıtý kerek, eshqashan jalǵyz eken dep, basynǵan, bóten áńgime aıtqan kezi bolmaǵany úshin, tıtteı de bir kóńilime keletin áreket etpegeni úshin qurmetteımin dedi.

«Sońǵy ret byltyr Serikzat úsheýmiz orazanyń aldynda, “Kerýende” bir meıramhanada sháı ishtik, odan keıin kezdespedim. Kezdeskende tek stýdenttik shaqty eske alamyz, ustazdardy aıtamyz, sol kezdegi balalyqtardy, qyzyqtardy aıtamyz. Eshqandaı saıasat, sezim, mahabbat-sahabbat degen tema bolmaıdy. О́ıtkeni, bárimiz et pen súıekten jaralǵan adambyz. Bir sát baıaǵy tap-taza balań shaqqa oralǵymyz keledi, sol kezdiń kýási bolǵan jandardy kórgende, eriksiz sol alańsyz bári jaqsy, bári dos kórinetin, janymyz móldir, eshqandaı aǵymmen, saıasatpen bylǵanbaǵan jastyq shaqqa saıahat jasap, rahattanyp kúlip, tarqaımyz. Bóten bir nárse aıtpaımyz. Tipti Qańtardan soń, neshe túrli nárse jazyp tastasam da, sol kúdikti suraǵymdy da kórgende Muhańnyń kóńiline qarap, men qoıa almadym. “Onyń ne, Lázzat-aý, abıtýrıent kezden biletin dos emes pe edik, ózimnen nege suramadyń?”-dep, Muhamedjan da aıyptamady. Kóńilge aýyr tıetin taqyrypty aınalyp óttik. Sekeń de aıtpady. Tek ózara jigittermen bolatyn tóbelesterdi, bóten fakýltettiń qyzdaryna baryp, belgili aqynnyń óleńin ózimniń óleńim dep oqyp, “oblom” bolǵan kezderdi eske alyp, kúlip qaıttyq. Árqaısymyz óz jolymyzben, óz senimimizben ketsek te, bizge ortaq bir nárse — stýdenttik jyldar, qara shańyraq KazGÝ», — deıdi ol.

Advokat Tazabekpen sóılesetinin áıeli de biletinin, dos retinde senetinin aıtty.

«Qazirgilerdi bilmeımin, bizdiń kezdiń jigitteri osyndaı! Dosqa dos dep qaraıdy, kóńilińe qaıaý túsirmeıdi, bóten sóz aıtpaq túgili, kózińe tiktep qaramaıdy. Bizdiń aramyzda osyndaı syılastyq pen qurmet bar. Orystarda “kajdyı po sebe sýdıt” degen bar, basy bos áıel kórse boldy, aram oılaıtyndardyń qyzdaryna sondaı taǵdyr berse ǵana oılanar, bálkim.. Al myna sózderińiz uıat boldy, Nurseıit inim.. Reıtıng dep, shekten shyǵýǵa bolmaıdy. 50-ge kelgen adamdarda qaıdaǵy urpaq órbitý?! Urpaǵymyzdy davno órbitip qoıǵanbyz, óz otbasymyzda. Endi nemere súıetin jastamyz», — deıdi ol.

Ekinshi jazbasynda advokat osy sózi úshin jýrnalısti sotqa beretinin málimdedi.