Jekemenshik balabaqsha basshylary jaýapqa tartylýy múmkin

Foto: Pixabay

Qazaqstanda jekemenshik balabaqsha basshylaryna qatysty talaptar kúsheıtiledi, dep habarlaıdy Qandastar.kz aqparat portaly.

Endi sapasyz qyzmet kórsetetin nemese balalarǵa zorlyq-zombylyq kórsetken pedagogterdi jumysqa qabyldaǵan basshylar zań aldynda jaýap berýi múmkin.

Bul týraly Oqý-aǵartý mınıstri Ǵanı Beısembaev málimdedi. Mınıstrdiń aıtýynsha, vedomstvo tabys tabýdy kózdeıtin, alaıda qyzmet sapasyna kóńil bólmeıtin uıymdardyń jumysyn shekteýge nıetti.

“Jekemenshik balabaqshalarda tárbıeshilerdiń biliktiligine mán bermeıtin jaǵdaılar bar. Mundaı máselelerdiń aldyn alý úshin basshylardyń jaýapkershiligin zańnama arqyly bekitý usynylýda” – dedi Ǵanı Beısembaev Parlamenttiń birlesken otyrysynan keıin.

Mınıstrdiń sózinshe, barlyq qyzmetkerdi qadaǵalaý múmkin emes. Sondyqtan personal tańdaýda salǵyrttyq tanytqan jekemenshik uıym jetekshilerin jaýapkershilikke tartý – mańyzdy qadam. Qazirgi tańda zańnamalyq ózgerister boıynsha usynystar ázirlenip jatyr. Tıisti túzetýler Parlament qaraýyna usynylady.