Jeli belsendisi: Attestaııadan aqsha berip ótip, sertıfıkat alǵandardyń QR kody bazada joq bolyp shyqty

Foto: inbusiness.kz

Áleýmettik jelide muǵalimderdiń attestaııadan aqsha berip, sertıfıkat alǵany týraly aıtylyp bastady. Qaı muǵalim, qashan, qaı jerde ondaı attestaııa sertıfıkatyn alǵany týraly ázirge naqty derek joq, — dep habarlaıdy Democrat.kz.

Desek te, osyndaı jazbaǵa baılanysty ustazdar qaýymynyń jazǵan pikirine qarap, attestaııa da jemqorlardyń jemsaýy bolǵany ma degen suraqtyń basy qyltııady.

Áleýmettik jeli qoldanýshy, belsendi azamat Meırambek Pazylbekov “Attestaııany “satyp alǵan” ustazdardy qustyryp jatyr eken. Sertıfıkattarynyń QR kody bazada joq bolyp shyǵypty. Sondaılar balaǵa bilim beredi” degen jazba qaldyrdy.

Al osy máselege baılanysty tanymal ustaz О́mir Shynybekuly: “«Eshqashan eshkimnen eshteńe surama! Ásirese, ózińnen kúshtilerden suraýshy bolma! О́zderi bárine usynady, ózderi bárin ákep beredi!» Býlgakovty oqymaısyńdar ma, eý, #jalǵan_pedagogtar Senderdi qustyrý az…Oqýshyǵa ne úlgi kórsettińder? Senderdi bilim salasynan qýý kerek.. Sonda ǵana oqýshylarǵa naǵyz tálim beriledi…” dep pikir bildirdi.

Sonymen qatar, osy jazbaǵa oraı pikir bildirgen basqa da muǵalimder men qarapaıym azamattar muǵalimniń attestaııadan óz bilimimen ótkenin anyqtap, tekserý keregin aıtýda. Alaıda bilim salasyndaǵy jemqorlyqqa batqan osy bir attestaııadan aqshamen ótý problemasyna qatysty búginge deıin Oqý aǵartý mınıstri Ǵanı Beısembaev bir aýyz túsinik bermedi.

Esterińizde bolsa, Democrat.kz. Aqparattyq portaly muǵalimniń attestaııadan aqsha berip ótetini týraly birneshe ret maqala jazdy. Sonymen qatar attestaııa talaptary boıynsha muǵalim ótkizýge tıis avtorlyq baǵdarlama kitapshalarynyń ashyq satylyp jatqanyn da arnaıy maqala etip jarııalaǵanbyz.

О́kinishke qaraı, tıisti mekemeler nazarǵa alý bylaı tursyn, ózi basqaryp otyrǵan saladaǵy bylyqqa qatysty mınıstrdiń de “áý” demeýi kóp jaıtty rastap otyrǵanyn bildirmeı me?

Bilim, biligin dáleldep, belgili bir sanatqa qol jetkizý úshin ótetin synaǵyn tanys-tamyr, para arqyly ótkerip jatsa, ondaı muǵalimnen qandaı jetistik kútesiz? “Satyp alýǵa” dánikken muǵalim aldynda otyrǵan oqýshyǵa ne úıretedi? Qandaı bilim beredi?

Sondaı “satyp alǵysh” muǵalimderdiń kesirinen emes pe, elimizdegi bilim sapasynyń kúrt tómendep ketýi. Sondaı arsyz áreketke barǵan muǵalimniń “arqasynda” saýatsyz urpaq qoǵamdy lastap, bilim men ǵylym damymaı otyrǵan joq pa?

“Qıt etse, muǵalimge tıisesińder!” dep joq jerden baıbalam salyp, bajyldap shyǵatyn muǵalim kóbeıdi. Eldiń erteńi — búgingi muǵalimniń qolynda. Osyny uqpaıtyn keı muǵalimder “sheneýnikterdi túzep alyńdar” dep sandyraqtaıdy.

Sol sheneýnikti oqytqan kim? Osy suraqtyń jaýabyn bilmeıtin muǵalimder shaǵymdanýdy biledi, synaqtardy satyp alýdy biledi. О́kinishke qaraı, tutas eldiń tamyryna balta shaýyp jatqanyn biletin saýaty joq.

Bilim salasyn saýatsyz muǵalimnen tazalaıtyn ýaqyt keldi. Aty-jónin qatesiz jaza almaıtyn muǵalimder “sabaq ótip, bilim berip” taırańdap júr. Bilimsiz muǵalim — Qazaqstannyń eń basty sory. Sondyqtan da Oqý aǵartý mınıstri synaqtan aqsha berip ótkenderdi anyqtap, qatań jaza bermese, elimizdiń erteńinen eshteńe kútýdiń qajeti joq-aý…

Haqnazar SADYRHAN,

Democrat.kz.