جەلى قولدانۋشىلاردىڭ پىكىرى قاق جارىلدى: ءلايلا سۇلتانقىزى ءان ايتىپ وتىرعان ۆيدەوسىن جاريالادى

فوتو: جەكە قورىنان 

تەلەجۇرگىزۋشى ءلايلا سۇلتانقىزى جەلىدە ءان ايتىپ وتىرعان ۆيدەوسىن جاريالادى. وعان جەلى قولدانۋشىلارى ءتۇرلى پىكىر بىلدىرگەن, دەپ جازادى qandastar.kz

ۆيدەودان تەلەجۇرگىزۋشىنىڭ «داريعا جۇرەك» ءانىن شىرقاپ جاتقانىن كورۋگە بولادى.

«مەن ەمەس, جاساندى ينتەللەكت قوي ايتىپ وتىرعان, دەسەڭ ءيا?! جاساندى ينتەللەكت دامىعان زاماندا باي بولعىڭىز كەلسە, مىناداي قاسيەت بولۋ كەرەك ەكەن. يكەمدىلىك – وزگەرىستەرگە بەيىمدەلىپ, جاڭا تەحنولوگيالاردى تەز مەڭگەرۋ. شىعارماشىلىق – ستاندارتتان تىس ويلاپ, جاڭا يدەيا, شەشىمدەر ۇسىنۋ. ۇزدىكسىز وقۋ – ءبىلىم الۋدى توقتاتپاي, داعدىلاردى جاڭارتىپ وتىرۋ. تاۋەكەلشىلدىك – جاڭا باستامالاردى جۇزەگە اسىرۋدا قورىقپاۋ. تەز ارەكەت ەتۋ. مىقتى كوممۋنيكاتسيا – ادامدارمەن تەز بايلانىس ورناتىپ, ىنتىماقتاستىق قۇرا الۋ. ماسەلە شەشۋ قابىلەتى – كۇردەلى جاعدايلاردا شەشىم تابا ءبىلۋ», – دەپ جازدى ول.

تەلەجۇرگىزۋشىگە وقىرماندارى ءتۇرلى پىكىر جازدى:  «سلۋح قاشىپ كەتىپتى عوي», «جۇرگىزۋشى بولىپ جۇرە بەرەسىز-اۋ», «اندا-ساندا بولىپ تۇرادى, شابىت كەلگەندە شىرقايتىنىمىز بار», «ماعان ۇناپ تۇر. داۋىسىڭىز جاقسى-اق. بۇلاي دا ايتا المايتىندار بار عوي» دەپ جازدى جەلى قولدانۋشىلارى.