Jelide aqtaýlyq qyzdyń urlanǵan sátiniń kadrlary tarady

Foto: skrın vıdeo

Jelide Aqtaýda bir top er adamnyń zorlyǵyna ushyrap, ózine qol salǵan jattyqtyrýshy qyzdyń urlanǵan sáti túsirilgen vıdeo tarady, dep habarlaıdy qandastar.kz

Kadrlardan birneshe jigittiń qyzdy kúshtep kóliktiń artqy oryndyǵyna otyrǵyzǵanyn, qyzdyń qarsylyq kórsetip jatqanyn kórýge bolady. Osy sátte kóliktiń janyna taǵy bir kólik kelip, onyń júrgizýshisi de kúdiktilerge kómektese bastaıdy.

Eske salsaq, buǵan deıin Aqtaýda 5 er adam qyzdy kólikke kúshtep otyrǵyzyp, mefedron berip, zorlap, nesıe alǵyzǵan. Osy oqıǵadan keıin fıtnes jattyqtyrýshysy bolyp jumys istegen qyz ózine qol salǵan.

Mańǵystaý oblysynyń qylmystyq ister jónindegi mamandandyrylǵan aýdanaralyq soty 2024 jyldyń 19 jeltoqsanynda jábirlenýshige qarsy jasalǵan qylmystar úshin basty aıyptalýshyny 20 jylǵa, al onyń tórt sybaılasyn 7 jyldan 8,5 jylǵa deıin bas bostandyǵynan aıyrý týraly úkim shyǵarǵan.

Prokýror sottyń sheshimine shaǵym túsirip, basty aıyptalýshyny ómir boıyna bas bostandyǵynan aıyrýdy, al qalǵan qatysýshylardy 15 jyldan 16 jylǵa deıin bas bostandyǵynan aıyrýdy surady.