جاڭالىقتار
جەلىدە حابار تارادى: «مۇستافا شوقايدىڭ زيراتى بۇزىلعالى جاتىر»
الەۋمەتتىك جەلىدە وسىلاي دەپ ۇندەۋ تاستاعان وقىرمان بەرليندەگى مۇستافا شوقايدىڭ زيراتى جۋىق ارادا بۇزىلاتىنىن ايتتى, دەپ جازادى qandastar.kz
ۆيدەو اۆتورىنىڭ ايتۋىنشا, مۇستافا شوقاي جەرلەنگەن قورىمدا ساناۋلى ادامنىڭ عانا زيراتى قالعان كورىنەدى.
«قازاقستانعا الىپ كەتىڭىزدەر دەيدى. بۇل جەردىڭ ءبارى بۇزىلادى ەكەن. الىپ كەتۋگە رۇقسات, توپىراعىمەن بىرگە» دەپ, سولەيدى ۆيدەو اۆتورى. ۆيدەونىڭ قاي ۋاقىتتا تۇسىرىلگەنى بەلگىسىز.
بۇعان دەيىن دە بىرنەشە رەت شوقاي زيراتىنىڭ بۇزىلاتىنى تۋرالى ايتىلعان بولاتىن, الايدا سىرتقى ىستەر مينيسترلىگى ونداي اقپاراتتى تەرىسكە شىعارعان بولاتىن.
«الەۋمەتتىك جەلىدە بەرليندەگى مۇستافا شوقايدىڭ زيراتىن بۇزىپ, قيراتىپ, باسقا جەرگە كوشىرگەلى جاتقانى تۋرالى جالعان اقپاراتتار تاراپ جاتىر. بۇل اقپارات راستالمايدى. ويتكەنى ءبىزدىڭ ەلشىلىكتىڭ قىزمەتكەرى دەرەۋ بارىپ, زيرات قىزمەتكەرلەرىمەن سويلەسىپ, فوتو, ۆيدەوعا ءتۇسىرىپ, ءبارىن ءوز كوزىمەن كورىپ كەلدى. مۇستافا شوقايدىڭ زيراتى ورنىندا. ەشقايدا كوشىرىلمەيدى. سوندىقتان مۇنداي وتىرىك اقپارات تاراتۋدى توقتاتۋ كەرەك», – دەدى, 2023 جىلى سول كەزدەگى ءسىم وكىلى ايبەك سمادياروۆ.
