ءبىلىم
جەلىدە مۇعالىمدى ۇرعان ايەلدىڭ ۆيدەوسى تارادى
فوتو: سكرينشوت
جەلىدە بەلگىسىز ايەلدىڭ مۇعالىمدى جاعادان الىپ, شاپالاقپەن ۇرعان ۆيدەوسى قىزۋ تالقىعا ءتۇستى, دەپ جازدى qandastar.kz
80 مىڭعا جۋىق وقىرمانى بار “قازاقستان ۇستازدارى” توبىندا اتالعان ۆيدەو جاريالانىپ, جەلى قولدانۋشىلارى مۇعالىمگە قول كوتەرگەن ايەلدىڭ ارەكەتىن سىنادى. ۆيدەودا ورتا جاستاعى ايەل سىنىپقا كىرىپ, ايعايلاپ, مۇعالىمدى جاعادان الىپ, شاپالاقپەن ۇرادى.
وقۋ-اعارتۋ مينيسترلىگى بۇل وقيعا قازاقستاندا ەمەس ەكەنىن مالىمدەدى.
«بۇل جاعداي قازاقستاندا بولماعان. وزبەكستاننىڭ رەسمي ورگاندارى اتالعان فاكت بويىنشا اقپارات بەردى», – دەپ حابارلادى مينيسترلىك.
وزبەكستانداعى باق-تىڭ جازۋىنشا, ۆيدەونى وقۋشىلاردىڭ ءبىرى تۇسىرگەن. وقۋشىنىڭ اناسى مەن مۇعالىمنىڭ اراسىندا جانجال بولعان. بەيرەسمي اقپاراتقا سايكەس, وقۋشىلاردىڭ بىرىنە مۇعالىم اۋىر ءسوز ايتقان. سول ءۇشىن اناسى مۇعالىمگە قول كوتەرگەن.
وزبەكستاننىڭ مەكتەپكە دەيىنگى جانە مەكتەپتەگى ءبىلىم ءمينيسترى حاليلا وماروۆا سىرداريا اۋدانىنداعى وقيعا بويىنشا تەكسەرىس جۇرگىزىلىپ جاتقانىن, ناتيجەسى بويىنشا اقپارات بەرىلەتىنىن حابارلادى.
