Bilim
Jelide muǵalimdi urǵan áıeldiń vıdeosy tarady
Foto: skrınshot
Jelide belgisiz áıeldiń muǵalimdi jaǵadan alyp, shapalaqpen urǵan vıdeosy qyzý talqyǵa tústi, dep jazdy qandastar.kz
80 myńǵa jýyq oqyrmany bar “Qazaqstan ustazdary” tobynda atalǵan vıdeo jarııalanyp, jeli qoldanýshylary muǵalimge qol kótergen áıeldiń áreketin synady. Vıdeoda orta jastaǵy áıel synypqa kirip, aıǵaılap, muǵalimdi jaǵadan alyp, shapalaqpen urady.
Oqý-aǵartý mınıstrligi bul oqıǵa Qazaqstanda emes ekenin málimdedi.
«Bul jaǵdaı Qazaqstanda bolmaǵan. О́zbekstannyń resmı organdary atalǵan fakt boıynsha aqparat berdi», – dep habarlady mınıstrlik.
О́zbekstandaǵy BAQ-tyń jazýynsha, vıdeony oqýshylardyń biri túsirgen. Oqýshynyń anasy men muǵalimniń arasynda janjal bolǵan. Beıresmı aqparatqa sáıkes, oqýshylardyń birine muǵalim aýyr sóz aıtqan. Sol úshin anasy muǵalimge qol kótergen.
О́zbekstannyń mektepke deıingi jáne mekteptegi bilim mınıstri Halıla Omarova Syrdarııa aýdanyndaǵy oqıǵa boıynsha tekseris júrgizilip jatqanyn, nátıjesi boıynsha aqparat beriletinin habarlady.
