جەلىدە شاكەنتيدىڭ ەكس-سۇيىكتىسىن بالاعاتتاپ جاتقان «اۋديوسى» تارادى

فوتو: ۆيدەودان كادر

جەلىدە اكتەر ءشارىپ سەرىكتىڭ الدەكىمگە جازعان اۋديوجازباسى تارادى, دەپ حابارلايدى qandastar.kz   sn.kz-كە سىلتەمە جاساپ.

اۋديودا شاكەنتي جۋرناليستەردى كىنالاپ, وقيعانىڭ قالاي بولعانىن ايتىپ بەرگەن.

بىزگە شاكەنتيدىڭ «ءبارى قالاي بولعانىن» ءوزى ايتىپ بەرگەن داۋىستىق حابارلاماسىنىڭ قىزىقتى جازباسى كەلدى. ونىڭ ءتۇيىنى مىناداي: «ول اناما بىرنەشە رەت دورەكى سويلەپ, قايتارىپ تاستادى, مەن شىداي المادىم. ءبىزدىڭ وڭباعان جۋرناليستەر شۋ شىعاردى. پوليتسيا قايتا-قايتا حابارلاسىپ, شاقىرىپ جاتىر». ادامدار قوبالجۋ كەزىندە ءوز ەموتسيالارىن ۇستاۋعا داعدىلانباعانى انىق, بىراق بۇل اقتالۋ ما? نەلىكتەن ءبىر نارسە باقىلاۋدان شىققان سايىن, ونى تۋدىرعاندار ەمەس, سول كەزدەگى جاعداي كىنالى بولىپ قالادى, — دەپ جازدى qirtosek ينستاگرام پاراقشاسى.

وسى تۇستا جەلى قولدانۋشىلارى اتالمىش اۋديوعا قاتىستى ءتۇرلى پىكىر ءبىلدىردى. ءبىرى اكتەردى كىنالاسا, ەندى ءبىرى اۋديونىڭ جاساندى ينتەللەكت ارقىلى جاسالعانىن جازۋدا.

 «شەشەڭ دە وڭباي تۇر-اۋ», «دوستارى تاراتىپ جىبەرگەن سياقتى», «جاساندى ينتەللەكت», «ءالسىز ەركەكتەردە ۇنەمى ايەل كىنالى بولادى», «بۇل ۇرۋعا بولادى دەگەندى بىلدىرمەيدى», دەپ جازدى ولار.