Jelide tanysqan: Pavlodar oblysynda belgisiz er adam 13 jastaǵy qyzdy zorlap ketti

Foto: ashyq derekkóz

Pavlodar oblysynda er adam Telegram messenderjeri arqyly 13 jastaǵy qyzben sóılesip, artynsha zorlap ketken. Bul týraly Stan.kz aqparat agenttigi Kazinform basylymyna silteme jasap habarlaıdy.

Oblysta jasóspirim qyzdardy jynystyq qatynasqa májbúrleýdiń úsh birdeı oqıǵasy keıingi bir apta kóleminde anyqtalyp otyr. Al, jyl basynan kámelet jasyna jetpegenderdiń jynystyq qol suǵylmaýshylyǵyna qarsy qylmystar boıynsha 10 fakti belgili bolǵan.

Bul týraly bala quqyqtary jónindegi óńirlik ýákil Sáýle Shákenova habarlady.

«Pavlodar oblysynda kámelet jasyna tolmaǵan 13, 16 jáne 17 jasar qyz balalardy zorlaý faktisi rastaldy. Alǵashqysy Ekibastuz qalasynda bolǵan. Er adam Telegram messenderjeri arqyly qyzben sóılesip, keıin onymen kezdesip, oıyndaǵy zulym áreketin júzege asyrǵan. Al, 16 jáne 17 jasar qyz balalar ózge óńirlerde turady. Olar ózderiniń zorlyq-zombylyqtyń qurbany bolǵany týraly eshkimge tis jarmaǵan. Barlyǵymen sóılestim. Qyzdardyń biri birneshe kún otyra almaǵanyn moıyndady. Qolyn ustaǵanymda dirildep, kóz jasyn tógip, jylady. Men bul jaǵdaıǵa onyń kináli emes ekenin túsindirýge tyrystym” – dedi Sáýle Shákenova.

Statıstıkaǵa qaraı, zorlyq-zombylyq jasaıtyndar kóbine óz ákesi nemese ógeı ákesi, otbasynyń ózge týystary, birge turatyndar, kórshileri, otbasynyń dostary bolyp shyǵady deıdi ol.

Al, Pavlodar oblysy polıııa departamenti bastyǵynyń orynbasary Safýan Jampeıisov 16 jáne 17 jastaǵy qyzdardy zorlaý faktisi boıynsha bir kúdikti azamattyń ustalǵanyn málimdedi.

«Kámeletke tolmaǵandardy zorlaý faktisi boıynsha tergeý júrgizilip jatyr. Qajetti saraptamalar taǵaıyndaldy», – dedi ol.

Eske salsaq, buǵan deıin Qyzylordada 16 jastaǵy qyzdy synyptastary jezókshelikpen aınalysýǵa májbúrlegeni týraly jazǵan edik.