جەلىدە توقاەۆتىڭ قازاقستاندىقتارعا 150 مىڭ تەڭگە بەرەتىنى تۋرالى اقپارات تارادى

فوتو: اشىق دەرەككوز

الەۋمەتتىك جەلىلەردە ءبىر رەتتىك الەۋمەتتىك تولەم تۋرالى جالعان حابارلاما تاعى تارالۋدا. الاياقتار اقپارات شىنايى بولىپ كورىنۋى ءۇشىن قازاقستان پرەزيدەنتى قاسىم-جومارت توقاەۆتىڭ بەينەسىن پايدالانعان. بۇل تۋرالى Stan.kz اقپارات اگەنتتىگى حابارلايدى.

حابارلاندىرۋدا ءاربىر قازاقستاندىققا 150 مىڭ تەڭگەدەن بەرىلەدى دەلىنگەن. جاڭا مەملەكەتتىك باعدارلاما ىسكە قوسىلعان ەكەن. Stopfake-ءتىڭ حابارلاۋىنشا, بۇل جالعان.

الاياقتاردىڭ ايتۋىنشا, تولەم تۋرالى بىرقاتار مينيسترلىكتەر حابارلاعان. ءبىز بۇل اقپاراتتى تەكسەردىك. بىردە-ءبىر ۆەدومستۆو مۇنداي جاڭالىقتى جاريالاماعان قر ەڭبەك جانە حالىقتى الەۋمەتتىك قورعاۋ مينيسترلىگىنىڭ سايتىندا دا, قارجى مينيسترلىگىنىڭ سايتىندادا ەشتەڭە جوق.

الاياقتار اتاپ وتكەن قر قايىرىمدىلىق قورى دەگەن قور جوق.

الاياقتاردىڭ سوزىنشە, بۇل مەملەكەتتىك باعدارلاما Halyk Bank-پەن بىرلەسىپ ىسكە اسىرىلۋدا. بىراق قارجى مەكەمەسىنىڭ رەسمي پورتالىندا تولەمدەر تۋرالى ايتىلماعان.

مەملەكەت باسشىسىنىڭ رەسمي سايتىندا مۇنداي اقپارات جوق.

“قىلمىسكەرلەر بەرگەن سىلتەمەدە ازاماتتار تولەمنىڭ بار-جوعىن تەكسەرۋ ءۇشىن جسن تەرۋگە ءتيىس. بۇل ايلا. كۇماندى سايتتا دەرەكتەردى قالدىرا وتىرىپ, ءسىز ءوزىڭىز تۋرالى ماڭىزدى اقپاراتتى بەلگىسىز ادامدارعا بەرەسىز. ولار ونى ءوز ماقساتىندا پايدالانا الادى. بارشاڭىزدى تەك رەسمي حابارلامالارعا عانا سەنۋگە شاقىرامىز!”, – دەلىنگەن حابارلامادا.