Jelide Toqaevtyń qazaqstandyqtarǵa 150 myń teńge beretini týraly aqparat tarady

Foto: ashyq derekkóz

Áleýmettik jelilerde bir rettik áleýmettik tólem týraly jalǵan habarlama taǵy taralýda. Alaıaqtar aqparat shynaıy bolyp kórinýi úshin Qazaqstan prezıdenti Qasym-Jomart Toqaevtyń beınesin paıdalanǵan. Bul týraly Stan.kz aqparat agenttigi habarlaıdy.

Habarlandyrýda árbir qazaqstandyqqa 150 myń teńgeden beriledi delingen. Jańa memlekettik baǵdarlama iske qosylǵan eken. Stopfake-tiń habarlaýynsha, bul jalǵan.

Alaıaqtardyń aıtýynsha, tólem týraly birqatar mınıstrlikter habarlaǵan. Biz bul aqparatty tekserdik. Birde-bir vedomstvo mundaı jańalyqty jarııalamaǵan QR Eńbek jáne halyqty áleýmettik qorǵaý mınıstrliginiń saıtynda da, qarjy mınıstrliginiń saıtyndada eshteńe joq.

Alaıaqtar atap ótken QR qaıyrymdylyq qory degen qor joq.

Alaıaqtardyń sózinshe, bul memlekettik baǵdarlama Halyk Bank-pen birlesip iske asyrylýda. Biraq qarjy mekemesiniń resmı portalynda tólemder týraly aıtylmaǵan.

Memleket basshysynyń resmı saıtynda mundaı aqparat joq.

“Qylmyskerler bergen siltemede azamattar tólemniń bar-joǵyn tekserý úshin JSN terýge tıis. Bul aıla. Kúmándi saıtta derekterdi qaldyra otyryp, siz ózińiz týraly mańyzdy aqparatty belgisiz adamdarǵa beresiz. Olar ony óz maqsatynda paıdalana alady. Barshańyzdy tek resmı habarlamalarǵa ǵana senýge shaqyramyz!”, – delingen habarlamada.